Memleket basshysy Úkimet músheleriniń elimizdegi epidemiologiialyq jaǵdaidy turaqtandyrýǵa arnalǵan keńestegi esepterinen soń, aǵymdaǵy shekteý sharalarynyń oń áserin odan ári arttyrý, sondai-aq, kórshi elderdegi epidemiologiialyq jaǵdaidy eskere otyryp, elimizde karantin sharalaryn taǵy da eki aptaǵa uzartyp, kezeń-kezeńmen jeńildetý týraly sheshim qabyldady.
Eki aiǵa sozylǵan Tótenshe jaǵdai rejimi toqtatylǵannan keiingi kezeńde ózderine júktelgen mindetterdi sheneýnikterdiń shala oryndaýy, Densaýlyq saqtaý ministrligi jumysyndaǵy kemshilikter, Úkimet tarapynan baqylaýdyń álsizdigine qatysty jáne jalpy elimizdiń aýmaǵynda karantindik sharalardyń durys saqtalmaýy nátijesinde epidemiologiialyq jaǵdai nasharlap, COVID-19 infektsiiasymen aýyrǵandardyń sany kúrt óskendikten elimizde karantin qaita engizilgen bolatyn.
5 shildeden bastap engizilgen kezekti karantin kezeńinde oǵan deiin jiberilgen kemshilikterden sabaq alý, sondai-aq Memleket basshysynyń 10 shildedegi QR Úkimetiniń keńeitilgen otyrysynda bergen naqty tapsyrmalarynyń nátijesinde eldegi epidemiologiialyq kúrdeli jaǵdaidy turaqtandyrýǵa múmkindik týdy.
Úkimet basshysynyń málimetine sáikes ekinshi karantin engizilgen 5 shildeden bastap indet juqtyrýshylardyń sany 29 paiyzǵa tómendedi. Sondai-aq, statsionarlardaǵy emdelýshilerdiń qatary 43 paiyzǵa, onyń ishinde, reanimatsiialyq palatalardaǵy naýqastar sany 27 paiyzǵa azaidy. Saýyǵyp shyqqandardyń sany 63 paiyzǵa deiin ósken. Keibir aimaqtardaǵy jaǵdaidyń turaqtanýyna bailanysty ýaqytsha aýrýhanalar túrindegi jeti nysan jáne jalpy sany 1070 tósek-orynnan turatyn bir juqpaly aýrýlar aýrýhanasy jabyldy, al 6 ýaqytsha aýrýhanalardaǵy tósekter 855 orynǵa azaityldy.
Búgin biz jaǵdaidyń qalai turaqtanǵanyn, ekinshi karantinniń engizilýi halyq arasynda infektsiianyń taralýyn toqtatyp, densaýlyq saqtaý júiesine túsken aýyrtpalyqty azaitqanyn baiqap otyrmyz. Endigi kezektegi negizgi másele kúndelikti ómirdegi jeke karantindik sharalardy saqtaý, halyqty jáne meditsinalyq mekemelerdi ýaqytyly dári-dármekpen qamtamasyz etý máselesi mańyzdy bolyp tabylady. Aldaǵy ýaqytta dári-dármektiń jetispeýshiliginiń aldyn alý maqsatynda aimaqtarda turaqtandyrý qorlary quryldy, onyń ishinde: Almaty qalasynda – 5 mlrd. teńgege, Nur-Sultanda – 1,2 mlrd. teńgege, Shymkentte – 180 mln. teńgege, Aqtóbe oblysynda – 500 mln. teńgege, Shyǵys Qazaqstan oblysynda. – 250 million teńgege qor jasaqtaldy. Memleket basshysynyń tapsyrmasyna sáikes, atalynǵan baǵytty Densaýlyq ministriligi jáne ákimdikter tikelei óz baqylaýyna alsa, Úkimet tarapynan meditsinalyq kómektiń qol jetimdiligi men sapasy, qajetti dári-dármekter jáne meditsinalyq qural-jabdyqtarmen qamtamasyz etý boiynsha óńirlerdegi ahýalǵa kúndelikti monitoring júrgizilip turady.
Sondai-aq, buǵan deiin Memleket basshysy elimizdiń birqatar aimaqtary men bas qalalary ákimderiniń atalǵan óńirlerdegi sanitarlyq-epidemiologiialyq ahýal jaiyndaǵy esebin tyńdap, jalpy jaǵdaidyń turaqtanǵandyǵyna kóz jetkizgen Prezident ahýaldy qatań baqylaýda ustap, atalǵan mindetke basym baǵyt retinde mán berýdi tapsyrdy. Bul rette ásirese aýyldyq jerlerdegi jaǵdaiǵa kóńil bólý qajettigi aityldy.
Qazaqstan halqynyń teń jartysynyń aýyldy jerlerde turatynyn eskeretin bolsaq, jergilikti jerlerde diagnostika jasaý jáne emdeý sharalarynyń qoljetimdiligi, qarapaiym dári-dármekpen qamtamasyz etý mańyzdy másele bolyp otyr. Pandemiiaǵa qarsy kúres aiasynda qazirgi tańda aýyldyq jerlerge de ambýlatoriialyq-meditsinalyq kómek kórsetýge erekshe nazar aýdarylady, 1500 myńnan astam mobildi top qurylyp, jumys isteýde, bul qajettiliktiń 94% quraidy. Sonymen qatar, qajettilikke sáikes barlyq aimaqtardy jyljymaly diagnostikalyq keshendermen, oblystyq aýrýhanalardy otandyq óndiristiń sandyq rentgen apparattarymen jabdyqtaý máselesi de sheshilýde.
Alaida kúres áli de jalǵasýda. Azamattar karantinniń jeńildetilýin jáne jaǵdaidyń salystyrmaly túrde turaqtanýyn túpkilikti jeńis dep qabyldamaýy kerek. Oń ózgeristerge qaramastan, burynǵy qalypty ómirge qaita oralý árbir qazaqstandyqtyń jeke ustanymyna, karantin sharalaryn saqtaýyna, árbir azamattyń jaýapkershiligine bailanysty ekenin aita ketken jón.
Almas Arzyqulov,
QR Prezidenti janyndaǵy QSZI,
Áleýmettik-ekonomikalyq zertteýler
bóliminiń jetekshi ǵylymi qyzmetkeri
