Resei prezidenti Vladimir Pýtin Túrkiia basshysy Rejep Erdoǵanǵa qol berip tur. 29 qyrkúiek 2021 jyl.
29 qyrkúiekte Resei prezidenti Vladimir Pýtin Sochide Túrkiia basshysy Rejep Erdoǵanmen kezdesti, dep habarlaidy Azattyq.
Buǵan deiin Pýtin ainalasyndaǵy adamdardan koronavirýs tabylyp, Resei basshysy eki apta karantinde bolǵan.
Eki el jetekshisi sońǵy ret 18 ai buryn Máskeýde kezdesken. Sarapshylar osy ýaqyt aralyǵynda eki el arasynda talqylaityn máseleler qordalanyp qalǵanyn aitady.
Siriia men Liviiadaǵy soǵys máselesinen bólek, eki el basshysy Taýly Qarabaq, Ýkrainadaǵy jaǵdai, Resei gazynyń eksporty máselesin talqylaǵan. Kezdesýde sonymen birge Túrkiianyń AQSh qarsylyǵyna qaramastan reseilik S-400 zymyran keshenin satyp alý máselesi de sóz bolýy múmkin. Kelissózden keiin resmi habarlama taratylmady.
Shamamen úsh saǵatqa sozylǵan kezdesýden soń Pýtin Máskeý men Ankara arasyndaǵy qarym-qatynas eki jaqtyń ymyrashyldyǵynyń arqasynda oń baǵytta damyp kele jatyr dep málimdedi.
"Kelissózder keide kúrdeli bolady, biraq aqyry oń nátije beredi" dedi ol.
Al Erdoǵan "túrik-orys qatynasyn kún saiyn nyǵaitýdy jalǵastyra berse, jemisin beredi" dedi.
