Almatyda tótenshe jaǵdai rejimin buzǵany úshin 14 avtokólik aiyppul turaǵyna qoiyldy, – dep habarlaidy Polisia.kz.
Ótken táýlik ishinde, mamandandyrylǵan aýdanaralyq ákimshilik soty QR Ákimshilik quqyq buzýshylyq týraly kodeksiniń 476-babyna (tótenshe jaǵdai rejimin buzý) sáikes 19 ákimshilik materialdy qarady, onyń ishinde ákimshilik qamaýǵa alý – 12, aiyppul – 7. Osylardyń arasynda QR ÁQbK-niń 476 baby 6-tarmaǵyna sáikes kóshede negizsiz júrgeni úshin 11 adam ákimshilik jaýapqa tartyldy. Onyń 8-i qamaýǵa alynyp, 3 adamǵa aiyppul salyndy. Qalada karantin bastalǵaly beri 292 adam ákimshilik jaýapqa tartyldy. Onyń ishinde 147 adam ákimshilik qamaýǵa alynsa, 139 adamǵa aiyppul salyndy, 6-ýyna eskertý berildi.
Qazirgi ýaqytta qalada jaiaý patrýldik jumystarǵa 3 myńǵa jýyq adam tartylǵan, olardyń 1 myń 500-i politsiia qyzmetkerleri, Qorǵanys ministrliginiń 400-ge jýyq áskeri qyzmetshisi jáne Ulttyq ulannyń 1 myń 500 áskeri qyzmetkeri, olar turǵyndarǵa úide otyrý qajettiligi týraly túsindirme jumystaryn júrgizýde. 997 patrýldik baǵyttar jasaldy. Jalpy alǵanda, Almatydaǵy karantindik sharalarǵa Departamenttiń jáne Ulttyq ulan men Qorǵanys ministrliginiń jeke quramynan 5 myń 500-ge jýyq adam qatysady.
Qalada 26 blokpost uiymdastyryldy, oǵan 208 politsiia qyzmetkeri tartyldy. Jalpy bir táýlikte qala boiynsha 6,540 avtokólik tekserildi. Aýdandyq PB-na baqylaý-ótkizý beketterinen 21 avtokólik júrgizýshileri qalada eshqandai sebepsiz júrgenderi úshin jetkizildi, 14 kólik quraly aiyppul turaǵyna ornalastyryldy.
«AIS BDD» AÓK-niń 3 sáýirdegi taldaýy boiynsha qalanyń negizgi kóshelerinde kólikterdiń qozǵalysy edáýir tómendegenin kórsetti. Sonymen, saǵat 11.00-den 12.00-ge deiingi aralyqta kameralar arqyly tirkelgen kólikter sany 3 myń 764 boldy(AShAJ, Raiymbek-Sain, Seifýllin-Jansúgirov, Tólebi-Rozybakiev) barlyq baǵytta. Osyǵan uqsas ýaqyt kezeńinde 11 naýryzda atalǵan kóshelerdegi kólik sany 15 myń 386 qurady.
