Búgin QR Mádeniet jáne sport ministrliginiń uiymdastyrýmen onlain suhbat, onlain kontsert jáne jáne onlain dárister ótedi, dep habarlaidy "Ult aqparat".
Ministrlik usynǵan tyń jobalardyń biri tańǵy jattyǵý dep atalady. Bul joba aiasynda búgin qazaqstandyqtar Olimpiada oiyndarynyń úsh dúrkin júldegeri Gýzel Maniýrovamen birge tańǵy saǵat 08:00-de jattyǵý jasady. Al «Halyq qazynasy: bir týyndy tarihy» jobasy aiasynda saǵat 8-30-da QR mádeniet salasynyń úzdigi Gúlfairýs Dalbaǵai Qýanysh Jumaǵalievtiń «Kúzgi áýen», saǵat 16:30-da Qurmanǵazy atyndaǵy QUK aǵa oqytýshysy Nurgúl Jaqypbek Súgir Áliulynyń «Ilme», saǵat 22:00-de QR mádeniet qairatkeri Zámzágúl IzmuratovaDúisenbiniń «Kerbulan» kúiiniń shyǵý tarihy jaiynda oi qozǵaidy.
Saǵat 12:00-de keskindemeshi, Qazaqstannyń eńbek sińirgen qairatkeri Amandos Aqanaev «Qazaqstandyq keskindeme tarihy: Táńirshildikten qazirgi zamanǵa deiin» taqyrybynda onlain dáris oqidy.
Munan bólek, saǵat 14:00-de jastar arasynda álem chempionatynyń júldegeri Samat Jaqypov erkin kúresten, 17:00-de «Astana balet» teatrynyń jetekshi solisi Dilara Shomaeva óz salasy boiynsha sheberlik sabaǵyn ótkizedi.
Álem chempiony, djiý-djitsýdan Qazaqstandaǵy tuńǵysh qara belbeý iegeri Armanjan Rýzahýovpen suhbat saǵat 18:00-de bolady.
Al «Karantindegi juldyz» jobasy aiasynda keshki saǵat 21:00-de dástúrli ánshi Erlan Rysqali men Aqerke Tájibaeva án salady.
