Túrkistan oblysynda karantin kezinde 200-ge jýyq adamnyń basyn qosyp, kókpar uiymdastyrǵandar anyqtaldy, dep habarlaidy "Ult aqparat".
Jetisai APB qyzmetkerleri kúndelikti reidtik is-sharalar júrgizý barysynda, belgisiz tulǵalardyń kókpar uiymdastyrǵany týraly taralǵan beinejazbany nazarǵa aldy.
Bolǵan jaitty birden tekserýge kirisken tártip saqshylary kókpardyń Jetisai aýdany Jambyl eldi mekeninde bolǵanyn anyqtady.
Iaǵni aýyl turǵyny egistik alqapta karantin talaptaryn buzyp, 200-ge jýyq adamnyń basyn qosyp, kókpar uiymdastyrǵan.
Búginde is-sharany uiymdastyrýshyǵa qatysty QR ÁQBtK-niń 425-baby boiynsha qujattar jinaqtalyp, SES-ke joldandy.
Óz kezeginde politseiler Túrkistan oblysynyń turǵyndary men qonaqtaryn karantin rejimi men sanitarlyq-epidemiologiialyq normalardyń talaptaryn buzbaý kerektigin eske salady.
Bazarlarǵa, dúkenderge jáne adamdar kóp jinalatyn basqa da jerlerge barǵanda, qoǵamdyq kólikterge mingende meditsinalyq betperde kiip, antiseptik paidalaný jáne áleýmettik qashyqtyqty saqtaý qajet.
Toi-jiyn, kókpar nemese basqa da adamdardyń saýlyǵyna ziian keltiretin is-sharalardy uiymdastyrmaýǵa shaqyrady.
