Kóliktegi bas memlekettik sanitariia dárigeri Sádýaqas Baiǵabylov Nur-Sultan qalasy áýejaiy men jekelegen áýe kompaniialarynyń karantin talaptaryn buzýyna qatysty pikir bildirdi, dep habarlaidy "Ult aqparat".
Nur-Sultan qalasynyń halyqaralyq áýejaiyna Ákimshilik quqyq buzýshylyq týraly kodekstiń 425-baby 1-tarmaǵyna sáikes 1 600 AEK kóleminde aiypul salynǵan. Degenmen, qysqartylǵan óndiris aiasynda elordanyń áýe ailaǵy 2,2 mln teńge aiyppul tóledi.
«Oǵan elorda áýejaiynyń karantin shekteý sharalaryn saqtamaý sebep boldy. Ushyp keletin jáne ketetin jolaýshylarǵa jeke dáliz uiymdastyrylmaǵan, reiske tirkeý jáne otyrǵyzý barysynda jolaýshylar arasynda áleýmettik araqashyqtyq saqtalmaǵan, terminalda zalalsyzdandyrý kilemsheleri tóselmegen, perron avtobýsynyń júrgizýshisi qolǵap kimegen jáne maskalary da tolyq emes», - dep túsindiredi Sádýaqas Baiǵabylov.
Sonymen qatar onyń aitýynsha, joǵaryda atalǵan bappen «Scat» áýekompaniiasyna ushaqqa jolaýshylardy otyrǵyzý barysynda áleýmettik araqashyqtyqty saqtamaǵany jáne qyzmetkerlerdi aýysym barysynda meditsinalyq tekserýden ótkizbegeni úshin ákimshilik is qozǵaldy. «Eir Astana» áýe kompaniiasy da áýe biletterin satý keńsesinde qorǵanys qorshaýyn ornatpaǵany jáne qyzmetkerlerdi aýysym barysynda meditsinalyq tekserýden ótkizbegeni úshin jaýapqa tartyldy.
Aita keterligi, koronavirýs indetiniń taralyna jol bermeý maqsatynda elorda áýejaiynyń 3 terminalynda 15 statsionarlyq teplovizor ornatylǵan. Teplovizor kameralary belgili bir araqashyqtyqpen ornatylǵan. Olar ushyp kelgen jáne ushyp ketetin jolaýshylarǵa qolaisyzdyq týdyrmai adamdardyń dene qyzýyn ólshei alady.
«Qysqartylǵan óndiris merziminiń aiaqtalýyna bailanysty Almaty qalasynyń halyqaralyq áýejaiyna Ákimshilik quqyq buzýshylyqtýraly kodekstiń 425-baby 1-tarmaǵyna sáikes 1 600 AEK kóleminde aiypul salyndy»,- dedi kóliktegi bas sanitar.
