Karantin talaptary men shekteýlerge bailanysty syrttan keletin týristerdiń elimizde qalai saiahattai alatyny belgili boldy, dep habarlaidy "Ult aqparat".
«Ózderińiz biletindei, búginde Ashyq jobasy arqyly kinoteatrǵa, dámhana men meiramhanalarǵa barý múmkindigi týdy. Ol úshin atalǵan qosymshanyń kómegimen JSN terip jáne QR kodty skaner jasasańyz, jetip jatyr. Degenmen shetelden kelýshiler Ashyq jobasyn qoldana almaidy, sebebi onda shetel azamattary týraly málimet joq. Osy oraida syrt elden kelgen týrister eQonaq aqparattyq júiesi arqyly Qazaqstanda emin-erkin saiahattai alady. Sol arqyly sheteldik týristerdiń qai jerde toqtaǵanyn ǵana emes, olardyń qai jerlerde saiahattap júrgeni týraly aqparat ala alamyz. Al bul óz kezeginde týrizm salasyndaǵy infraqurylymdy josparlaý men jetildirýde mańyzdy sanalady», - deidi «Kazakh Tourism» ulttyq kompaniiasy» AQ basqarma tóraǵasy Erjan Erkinbaev.
