Elordada karantin sharalardy jeńildetý múmkin bolmai tur. Bul týraly Nur-Sultan qalasynyń bas sanitarlyq dárigeri Janna Pirálieva málim etti, dep habarlaidy "Ult aqparat".
«COVID belgileri bar pnevmoniiaǵa shaldyǵýǵa qatysty monitoring júrgizilýde. 4 qarashadaǵy jaǵdai boiynsha COVID -19 belgileri bar pnevmoniianyń (U07.2) 596 oqiǵasy tirkeldi. Sońǵy 5 aptada kúnine 5 jaǵdaiǵa deiin tirkelýde. Qazan men qarasha ailarynda indet juqtyrý kórsetkishiniń artýyna bailanysty qalada karantindik sharalardy jeńildetý múmkin bolmai tur», - dedi J. Pirálieva onlain rejimde ótken koronavirýs infektsiiasynyń aldyn alý sharalary boiynsha baspasóz máslihatynda.
Sonymen qatar ol shetelden jáne elimizdiń óńirlerinen kelgen adamdarǵa monitoring júrgizilip jatqanyn atap ótti.
«2020 jylǵy 2 qazan men 4 qarasha aralyǵynda 162 reisten 18 860 adam keldi. Onyń ishinde 15 736 adamda PTR teris nátijesi bar anyqtama boldy, 3110-y karantindik statsionarǵa jatqyzyldy jáne tekserildi, 14 adam deportatsiialandy, aýrýdyń simptomsyz túrimen 7 adam anyqtaldy», - dedi bas sanitarlyq dáriger.
