Semei qalasynda karantin talaptaryna qaramastan saýnada demalǵan politsiia qyzmetkerleri jumystan bosatyldy, dep habarlaidy oblystyq Politsiia departamentiniń baspasóz qyzmeti.
ShQO Politsiia departamenti Ózindik qaýipsizdik basqarmasy 29 qańtarda Semei qalalyq PB ortalyq politsiia bólimi jergilikti politsiia qyzmeti bólimshesiniń bastyǵy R.S. Suńǵatovtyń ýchaskelik politsiia inspektorlarymen birge monsha keshenine barý faktisi boiynsha qyzmettik tergeý júrgizdi. Sonyń nátijesine sáikes qyzmettik tártip buzýshylyq jasaǵan R.S. Suńǵatov atqaryp otyrǵan laýazymynan bosatyldy. Al ýchaskelik politsiia inspektorlary qatań tártiptik jaýapkershilikke tartyldy.
«Sonymen qatar óz mindetterin adal atqarmaǵany jáne jeke quramǵa baqylaý jasamaǵany úshin Semei qalalyq PB ortalyq politsiia bóliminiń birqatar laýazymdy tulǵalary jumystan shyǵaryldy. Monsha kesheninde bolǵan politsiia qyzmetkerlerin ákimshilik jaýapkershilikke tartý úshin ShQO Sanitarlyq-epidemiologiialyq baqylaý departamentine tiisti materialdar joldandy», - dep habarlady oblystyq Politsiia departamentiniń baspasóz qyzmeti.
