Karantin rejimi áli de saqtalady. Onyń talaptaryn bárimiz saqtaýǵa mindettimiz. Karantin shekteýleri ár óńirdiń jaǵdaiyna bailanysty jeke qaralyp, ony jeńildetý týraly sheshim kezeń-kezeńimen shyǵarylyp otyrady. Bul týraly QR Úkimetiniń alańynda ótken Tótenshe jaǵdai rejiminiń aiaqtalýy týraly onlain-brifingte QR Premer-Ministriniń orynbasary Eraly Toǵjanov málim etti, dep habarlaidy primeminister.kz.
«Búgin Memleket basshysy Qasym-Jomart Toqaev elimizde 2020 jylǵy 16 naýryzdan bastap engizilgen tótenshe jaǵdai rejimin toqtatqanyn habarlady. Degenmen, koronavirýs infektsiiasynyń qaýipi áli seiilgen joq. Qazirgi tańdaǵy eń mańyzdy ári qajetti shara – halyq densaýlyǵyn saqtaý. Sondyqtan, karantin rejimi áli de saqtalady. Onyń talaptaryn bárimiz saqtaýǵa mindettimiz», — dedi QR Premer-Ministriniń orynbasary.
Karantin shekteýleri ár óńirdiń jaǵdaiyna bailanysty jeke qaralyp, sheshim kezeń-kezeńimen shyǵarylyp otyrady.
Tótenshe jaǵdai kezeńinde TJ qamtamasyz etý úshin arnaiy qurylǵan memlekettik komissiianyń 18 otyrysy ótkizildi, 500 sheshim qabyldandy. Bul sheshimder – elimizdiń ekonomikalyq jaǵdaiyn turaqtandyrý, halyqtyń áleýmettik máselelerin sheshý, azamattardyń jeke taǵdyryna qatysty mindetterdi oryndaýǵa arnalǵan qaýlylar.
«Der kezinde qabyldanǵan sharalardyń arqasynda infektsiianyń betalysyn baqylaýǵa qol jetkizdik. Aýrýdyń ósimi 40-50%-dan sońǵy aptalarda 5-3%-ǵa deiin tómendedi», — dedi E. Toǵjanov.
Halyqtyń áleýmettik jaǵdaiyn qamtamasyz etý úshin QR Prezidenti keń aýqymdy sharalar qabyldady.
«Ekonomikalyq qiyndyqtarǵa qaramastan, memleket barlyq áleýmettik mindettemelerin der kezinde oryndap jatyr. Bul maqsattarǵa biyl 3,4 trln teńge qarastyrylǵan», — dedi vitse-premer.
Buǵan qosa, Memleket basshysynyń sheshimimen 4 mln-ǵa jýyq zeinetker men járdemaqy alýshylardyń tólemderi jyldyq mólsherde 10%-ǵa arttyryldy. Buǵan qosymsha 313 mlrd teńge qarastyryldy.
1 mln muqtaj azamat 7 mlrd teńgege azyq-túlikpen qamtamasyz etildi. 4,5 mln tabysynan aiyrylǵan azamattarǵa 42 500 teńge mólsherinde áleýmettik tólemder taǵaiyndaldy. 1,6 mln jýyq muqtaj otbasyǵa kommýnaldyq tólemderdi óteý úshin qarjylai kómek kórsetilýde.
Osy qiyn kezeńde QR Tuńǵysh Prezidenti – Elbasy Nursultan Nazarbaevtyń úndeýimen arnaiy qurylǵan «Birgemiz» qory arqyly karantinnen eń kóp zardap shekken azamattarǵa eleýli kómek kórsetildi.
«Máselen, 363 myńǵa jýyq adamǵa 18 mlrd teńge kómek kórsetildi; áleýmettik jaǵdaiy tómen otbasylarǵa 5 mln maska tegin taratyldy; alǵy shepte júrgen 2 myńnan astam dárigerge qarjylai kómek kórsetildi», — dep naqtylap ótti Premer-Ministrdiń orynbasary.
Sonymen qatar, TJ kezinde barlyq óńirlerde azyq-túlik taýarlarynyń turaqtandyrý qorlary qurylyp, halyq negizgi azyq-túlik taýarlarymen turaqty túrde qamtamasyz etilip otyr.
«Esterińizde bolsa, áleýmettik mańyzy bar azyq-túlik taýarlarynyń 19 túri boiynsha qosymsha qun salyǵy (QQS) jyl sońyna 12%-den 8%-ǵa deiin tómendetildi. Sonyń nátijesinde, taýar óndirýshilerge 8,7 mlrd teńgege kómek kórsetilip otyr», — dedi E. Toǵjanov.
Sonymen qatar josparlanǵan kóktemgi egis naýqany úshin qazaqstandyq fermerlerge «Agrarlyq nesie korporatsiiasy» AQ arqyly 5%-dan aspaityn mólsherde 70 mlrd teńge bólindi. Bul jyldaǵy qalypty mólsherden 10%-ǵa kóp. Atalǵan sharamen 2 405 agrarlyq sýbekt qamtyldy.
«Taǵy bir aita keterlik jait, pandemiia kezeńinde 62 elden 12 myń otandasymyz elge qaitaryldy. Bul jumys áli de júrgizilip jatyr. Jospar boiynsha áli 7 myń Qazaqstan azamatyn elge jetkizýimiz kerek», — dep vitse-premer sózin túiindedi.
