14 qazannan bastap Nur-Sultan qalasynda shekteý jáne karantin sharalaryn qatańdatý týraly Bas memlekettik sanitarlyq dáriger Janna Pirálievanyń Qaýlysy jariialandy, dep habarlaidy "Ult aqparat".
Qaýlyǵa sáikes, Nur-Sultan qalasynyń ákimdigi, investitsiialar jáne kásipkerlikti damytý bólimi, memlekettik organdar, uiymdar, kásiporyndar, kásipkerlik sýbektileri kelesi talaptardyń oryndalýyn qamtamasyz etýi tiis:
- menshik nysanyna jáne jumys isteitinderdiń shtattyq sanyna qaramastan, barlyq uiymdar, kásiporyndar qyzmetkerleriniń keminde 60% qashyqtyqtan jumys isteýge kóshirýi qajet;
- biznes-ortalyqtardyń (advokattyq, notariýstyq, býhgalterlik, konsaltingilik, jyljymaityn múlik jónindegi agenttikterdiń, jarnama agenttikteriniń, sot oryndaýshylarynyń, týroperatorlardyń, azyq-túlikke jatpaityn taýarlar men zattardy ótkizý jónindegi býtikter (bólimderdiń) sanitarlyq-profilaktikalyq is-sharalardy saqtai otyryp, jumys jáne demalys kúnderi saǵat 9:00-den 18:00-ge deiin qyzmet etedi. Demalys kúnderi olarda ornalasqan azyq-túlik emes taýarlar men zattardy satatyn býtikterdiń (bólimderdiń) jumysyna tyiym salynady;
- qoǵamdyq tamaqtandyrý obektileriniń jumysyn (meiramhanalar, dámhanalar, barlar, ashanalar) ornalasqan jerine qaramastan, ǵimarattyń ishinde jáne jazǵy alańda 30-dan aspaityn otyratyn oryn men kórshi ústelderdiń shetki oryndary arasynda keminde 2 metr áleýmettik qashyqtyqty saqtai otyryp jáne bir ústelge 4-6 adamnan aspaityndai etip otyrǵyzyp, kúsheitilgen sanitarlyq-profilaktikalyq is-sharalardy saqtaýmen, jumys kestesi jumys kúnderi jáne demalys kúnderi saǵat 9:00-den 22:00-ge deiin belgilenedi. Osy qaýlyda belgilengen ýaqyt ótkennen keiin kelýshilerdiń tamaqtaný zalynda bolýyna tyiym salynady. Bul rette ujymdyq, saltanatty, otbasylyq jáne basqa da buqaralyq is-sharalardy ótkizýge qatań tyiym salynady;
- basseinderdi iske qosa otyryp monshalardyń, saýnalardyń (bir kelýshige 4m2 esebimen, bir mezgilde kelýshilerdiń sany nysan syiymdylyǵynyń 30%-nan aspaýy qajet) qyzmeti kúsheitilgen sanitarlyq-profilaktikalyq is-sharalardy saqtai otyryp, jumys kúnderi saǵat 8:00-den 21:00-ge deiin jáne demalys kúnderi saǵat 9:00-den 19:00-ge deiin (qatań túrde aldyn ala jazylý boiynsha) belgilendi.
Qaýly talaptarynyń saqtalýyna baqylaýdy Nur-Sultan qalasynyń Politsiia departamenti júzege asyratyn bolady.
«Qaýly menshik nysanyna qaramastan barlyq jeke jáne zańdy tulǵalardyń oryndaýy úshin mindetti... Qaýly 2020 jylǵy 14 qazannań bastap kúshine enedi», - delingen J.Pirálievanyń qaýlysynda.
