Bas memlekettik sanitar dárigeri Erlan Qiiasovtyń jańa qaýlysyna sáikes oblystyq komandalardy daiarlaý úshin oqý-jattyǵý jiyndaryn qaita bastaýǵa ruqsat berilmek, dep habarlaidy "Ult aqparat".
Jańa qaýlyǵa sáikes, 2021 jylǵy 1 naýryzdan bastap jalpy bilim beretin mektepterde 1-den 5-synypqa deiin qosa alǵanda, halyqaralyq mektepterde 1-den 7-synypqa deiin qosa alǵanda aralas oqytýǵa ruqsat etilgen.
Sonymen qatar oqý bitiretin synyptar (9, 11 (12) synyptar) úshin aptanyń 6 kúni ishinde aralas oqytý eskerilgen. Pánderdiń 70%-y shtattyq rejimde, 30%-y qashyqtan oqytýǵa (synypta 15 adamnan artyq emes, áleýmettik qashyqtyqty saqtaý, 1 synyp - 1 kabinet qaǵidaty boiynsha oqytý, bir ýaqytta mektepte jobalyq qýattyń 30%-dan aspaityn adamnyń bolýy, sanitariialyq-dezinfektsiialyq rejimdi, maska rejimin kúsheitý) baǵyttalady.
Bilim berý mekemesi ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylardy jeke oqytýǵa ruqsat berý qarastyrylǵan.
Sonymen qatar bir mezgilde 30 adamnan artyq emes jinala otyryp, kúsheitilgen sanitariialyq-dezinfektsiialyq rejimdi saqtaǵan jaǵdaida oblystyq komandalardy daiarlaý úshin oqý-jattyǵý jiyndaryn qaita bastaýǵa ruqsat berilmek.
«Osy qaýlynyń oryndalýyn baqylaýdy ózime qaldyramyn. Osy qaýly 2021 jylǵy 1 naýryz saǵat 00-den bastap kúshine enedi», - dep atalyp ótken Bas memlekettik sanitar dárigeriniń qaýlysynda.
Atalǵan qaýlynyń tolyq nusqasymen myna jerden tanysýǵa bolady.
