Batys Qazaqstan oblysynda búginnen bastap karantindik shekteý sharalary jeńildetildi. Osyǵan orai «Aqjaiyq adaldyq alańy» jobalyq keńsesiniń basshysy Áliia Sálieva óz pikir-paiymyn bildirdi, dep habarlaidy "Ult aqparat".
Onyń aitýynsha, karantinniń jeńildetilýi sanitarlyq talaptardy saqtaýdy toqtatý degen sóz emes.
- Adamdar kóp jinalatyn jerlerde betperde taǵyp, abai bolý qajet. Ásirese, kezekke turǵanda áleýmettik qashyqtyqty saqtaýdy eskermeýge bolmaidy. Bári ózimizge bailanysty, - dedi Áliia Ótemisqyzy.
Áitpese koronavirýs indeti qaita órship, karantin qatańdatylýy múmkin. Bul bazar, shashtaraz jáne basqa nysandardyń jabylýyna soqtyrady. Sóitip olarda jumys isteitin adamdar nápaqasyz qalady.
«Biz shilde aiyndaǵy oqiǵalardan sabaq ala bilýimiz kerek. Qanshama jaqyn týystarymyzdan, dostarymyzdan aiyryldyq. Biz olardy eshqashan umytpaimyz.
Koronavirýstyń beti áli qaitqan joq. Sanitarlyq talaptardy qatań saqtaýymyzdyń arqasynda ǵana indet keiin shegindi. Ony birjola jeńý úshin aldyńǵy shepte júrgen dárigerlermen birge qarapaiym turǵyndarǵa deiin birlese kúrese bilgeni abzal. Sondyqtan óz ómirimiz ben densaýlyǵymyzdy saqtai bileiik, aǵaiyn!» dedi Á.Sálieva.
