Eýropanyń birqatar elinde koronavirýsqa qatysty ahýal ýshyǵyp tur, dep habarlaidy "Ult aqparat" QR Úkimeti janyndaǵy VAK jumysynyń telegram kanalyna silteme jasap.
Italiiada táýligine koronavirýs infektsiiasyn juqtyrǵandardyń sany 41 myńǵa artty. COVID-19-ben aýyrǵan 550 naýqas qaitys boldy. Kampaniia jáne Toskana oblystary «qyzyl aimaqqa» endi. Elde «qyzǵylt sary aimaqtardyń» qatary da keńeiip keledi. Memlekettiń densaýlyq saqtaý júiesine kóp aýyrtpalyq túsýde.
Ispaniiada sońǵy táýlik ishinde 21 myńnan astam COVID-19 juqtyrǵan adam anyqtaldy. Syrqattaný kórsetkishi 100 myń turǵynǵa shaqqanda 498 jaǵdaidy qurady. Bul - el úkimeti belgilegen shekteý engiziletin shekti mán.
Ulybritaniia aýrýhanalarynda COVID-19-dan 15 myńǵa jýyq adam emdelýde. Koronavirýstyń kóbeiý koeffitsienti báseńdegen, iaǵni 1-den 1,2-ge deiingi aralyqta. El biligi virýstyń taralý jyldamdyǵy tómendei bastaǵanyna qaramastan, shekteýlerdi jeńildetilýi bul úrdiske teris áser etýi múmkin dep esepteidi.
Frantsiiada ahýaly nashar COVID-19 naýqastarynyń sany 4900-den aspaidy. Jalpy elde kóleminde aýyr naýqastarǵa arnalǵan 7700 tósek bar. Olardyń úshten ekisi bos emes. El biligi qajettilik týyndasa, eldegi qarqyndy terapiiadaǵy oryndardyń sanyn 10400-ge deiin kóbeitýge bolatyndyǵyn aitady. El úkimeti karantindik sharalardyń jeńildetilmeitindigin jetkizdi.
Aýstriiada qaitadan ulttyq karantin engizilýde. Seisenbiden bastap dalaǵa tek oryndy sebeptermen shyǵý múmkin bolady. Mektepter qashyqtyqtan oqytýǵa kóshedi, qyzmet kórsetý kásiporyndary men dúkenderdiń kópshiligi jabylady.
