QR Densaýlyq saqtaý ministrligi karantin kezinde memlekettik shekaradan ótý tártibine engizilgen ózgeristerdi túsindirdi, dep habarlaidy "Ult aqparat".
Eske salsaq, koronavirýs pandemiiasyna bailanysty eńbek etýmen, emdelýmen, stýdentterdiń júrip-turýymen bailanysty birqatar kórsetkishterdi jáne basqa da shuǵyl jaǵdailardy qospaǵanda QR azamattarynyń, sheteldikterdiń jáne azamattyǵy joq adamdardyń Qazaqstannyń memlekettik shekarasyn kesip ótýine shekteý qoiylǵan.
Budan basqa, 2020 jylǵy 11 qarashadan bastap shekara mańy elderinde QR azamattarynyń, Qazaqstan Respýblikasynyń aýmaǵynda turýǵa yqtiiarhaty bar sheteldik azamattar men azamattyǵy joq adamdardyń memlekettik shekarany kesip ótýi tártibine qoiylatyn talaptar qosymsha kúsheitilgen bolatyn.
Osylaisha, memlekettik shekarany kesip ótý jiiligi: 30 táýlikte 1 retten 90 táýlikte 1 retke deiin ózgertildi. Bul shekteýlerdiń myna erekshe jaǵdailarǵa qatysy joq: emdelýge barý, oqý, eńbek etý, otbasy múshelerin jerleý, otbasynyń aýyr naýqastanǵan múshelerin kútý úshin barý jáne ózge de maqsattar.
2021 jylǵy 2 aqpannan bastap QR aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń sheshimimen elimizdiń memlekettik shekarasyn kesip ótý tártibine jeńildetýdi kózdeitin birqatar ózgeris engizildi.
Oǵan sáikes, QR azamattary úshin de, sheteldikter men azamattyǵy joq adamdar úshin de shekarany kesip ótý jiiligi 3 esege arttyryldy (90 táýlikte 1 retten 30 táýlikte 1 retke deiin).
Sondai-aq QR azamattary úshin de, sheteldikter men azamattyǵy joq adamdar úshin de erekshe jaǵdailardaǵy (emdelý, oqý, eńbek etý, otbasy múshelerin jerleý, otbasynyń aýyr naýqastanǵan múshelerin kútý úshin barý jáne t.b.) jeńildik jalǵasatyn bolady.
Budan basqa Qazaqstan Respýblikasy Úkimetiniń sheshimimen tikelei áýe qatynasy qaita bastalǵan (turaqty, turaqty emes charterlik reister) memleketterdiń azamattaryna QR aýmaǵyna kirýine/tranzitpen ótýine/shyǵýyna, QR azamattarynyń osy memleketterge ushýyna ruqsat etilgen.
