17 tamyzdan bastap karantin sharalary kezeń-kezeńmen alynǵanymen Nur-Sultan qalasynyń turǵyndary birqatar talapty saqtaýy tiis. Atalǵan talaptar elordanyń bas memlekettik sanitarlyq dárigeri Aigúl Shaǵaltaevanyń qaýlysynda kórsetilgen, dep habarlaidy "Ult aqparat".
Qaýlyǵa sáikes, elordada oiyn-saýyq, sporttyq jáne basqa da buqaralyq is-sharalardy, sondai-aq otbasylyq, eske alý sharalaryn, jinalystardy, jiyndardy jáne taǵy basqalaryn ótkizýge tyiym salynady. Sport jattyǵýlary tek ashyq aýada jeke tártippen jáne keminde 2 metr áleýmettik qashyqtyqty mindetti túrde saqtai otyryp, 5 adamnan aspaityn toptarda ǵana ótkizýge bolady.
Bir otbasy múshelerinen nemese 3 adamnan aspaityn toptardy qospaǵanda,tabiǵatqa ekskýrsiialyq, korporativtik, toptyq saparlardy uiymdastyrýǵa jáne óńirdiń kórikti jerlerine sholý jasaýǵa, sondai-aq jaǵajailarda shomylýǵa tyiym saqtalady.
65 jastan asqan adamdardyń qala jáne qoǵamdyq oryndar boiynsha júrip-turýyna shekteý qala beredi.
Aýlalarda serýendeýge jáne saiabaqtarǵa, alańdarǵa, skverlerge, jaǵalaýlarǵa 3 adamnan aspaityn toptarmen nemese bir otbasy múshelerine mindetti túrde betperde kiip jáne keminde 2 metr áleýmettik qashyqtyqty saqtai otyryp barýǵa ruqsat beriledi.
Qoǵamdyq oryndarǵa, onyń ishinde qalalyq qoǵamdyq kólikterge jáne qyzmeti ruqsat etilgen obektilerge barǵan kezde, kóshede júrip-turý kezinde (5 jasqa deiingi balalardy qospaǵanda jáne ashyq aýada sportpen shuǵyldaný kezinde) maska kiiý, qashyqtyqty saqtaý jáne antiseptikterdi paidalaný jónindegi talaptardy qatań saqtaý qala beredi.
