2020 jyly Pandemiia jaǵdaiy mádeniet salasyna da óz áserin tigizdi. Dese de, tótenshe jaǵdai men shekteý sharalaryna qaramastan birde-bir memlekettik uiym óz qyzmetin toqtatqan joq. Mádeniet jáne sport vitse-ministri Nurǵisa Dáýeshov osylai dedi, dep habarlaidy QazAqparat.
«Jyl basynan bastap memlekettik mádeniet uiymdary spektakl premeralary, kórmeler, kontserttik is-sharalar, konferentsiialar jáne sol siiaqty 500-ge jýyq mańyzdy is-sharalar ótkizdi. 16 naýryzdan bastap sala tolyǵymen onlain jumys formatyna kóshti», - dedi vitse-ministr Mádeniet jáne sport ministrliginiń alqa májilisinde.
Máselen, esepti kezeńniń tolyq emes 10 aiynda mádeniet uiymdary 120 mln astam qaralymy bar 75 myń onlain is-shara ótkizdi. Bul halyqaralyq, respýblikalyq jáne óńirlik deńgeidegi jobalar. Is júzinde barlyq deńgeidegi mádeniet uiymdary qazaqstandyqtardyń, sheteldik kórermender úshin de óz jobalaryn iske asyrǵan. Al «Karantindegi Juldyz» biregei jobasy qoǵam men el basshylyǵy tarapynan erekshe atap ótildi.
«Mýzykanttar, ártister men sportshylardyń qatysýymen #Biz birgemiz, #Birge enseremiz, #Biz uidemiz heshtegteri boiynsha motivatsiialyq beinerolikter jasaldy. «Meniń Qazaqstanym», #COVIDHOMECONCERTS halyqaralyq mýzykalyq chellendji, «Sen qandai kitap oqisyń?», «Biz úidemiz, biz birgemiz» chellendjderi uiymdastyryldy», - dedi ol.
