Almatyda qańtardyń qaiǵyly oqiǵalaryna arnalǵan eskertkish ornatylady. Qala ákimdigi eskertkish nysanynyń qurylys tujyrymdamasyna konkýrs jariialady, dep habarlaidy QazAqparat.
Qalalyq Josparlaý jáne ýrbanistika basqarmasy ashyq konkýrsqa ótinimderdi búginnen bastap 2022 jyldyń 10 aqpanyna deiin qabyldaidy.
Baiqaýǵa jeke avtorlar da, shyǵarmashylyq ujymdar da qatysa alady.
Memleket basshysynyń Almatyǵa jaqynda jasaǵan sapary kezinde memorialdyq keshende almatylyq oqiǵalardy máńgi este qaldyrýdy tapsyrdy.
Konkýrstyń shartyna orai eskertkish qorshaǵan ortaǵa úilesimdi bolýy tiis.
Ony jasaǵanda sapaly materialdardy paidalanǵan jón.
«Konkýrs qorytyndysy boiynsha sheshimdi Almaty qalasynyń tarih jáne mádeniet eskertkishterin qorǵaý jónindegi komissiia qabyldaidy.Eskertkish Sátbaev kóshesiniń ońtústigi men Nazarbaev dańǵylynyń batysyna qarai qalalyq ákimdik janyndaǵy skverde ornatylady dep boljanýda.Qosymsha aqparatty Almaty q., Abai dańǵyly 90, (3-qabat) mekenjaiy nemese 8 (727) 240-80-00 telefony boiynsha alýǵa bolady», - dep málim etti ákimdik baspasóz qyzmetinde.
