Soltústik Qazaqstan oblysy Aqjar aýdany Talshyq aýylynda agrofirma keńsesine qaraqshylyq shabýyl jasalyp, urylar 170 mln teńgeden astam somany qoldy etti, dep habarlaidy "Ult aqparat".
SQO Politsiia departamentiniń málimetinshe, «Talshyq Astyq LTD» JShS-ǵa qaraqshylyq shabýyl 19 qarasha kúni keshki saǵat 19.15-te bolǵan. Sholaq ańshy myltyǵyna uqsas zatpen qarýlanǵan belgisiz tórt qylmysker ǵimaratqa basa-kóktep kirip, JShS basshysyna ses kórsetken. Olar 170 millionnan astam teńgeni jáne 2 uialy telefondy alyp ketken.
«Atalǵan fakti Sotqa deiingi tergep-tekserýlerdiń biryńǵai tizilimine engizildi. Bul qylmys SQO PD bastyǵy Marat Tólebaevtyń jáne oblystyq prokýratýra basshysynyń baqylaýyna alyndy», - deidi baspasóz qyzmetkerleri.
SQO-da qylmyskerlerdi ustaý operatsiiasy jariialandy. Jedel-tergeý is-sharasyna barlyq patrýlder men jasaqtar jumyldyrylyp, oblystardyń Politsiia departamentterine baǵyttama jiberildi.
