Qaraǵandynyń on toǵyz jasar turǵyny Chanjoý qalasyndaǵy stýdentter jataqhanasynda kóz jumdy, dep habarlady sputniknews.kz "Novyi vestnik" basylymyna silteme jasap.
Valerii Katiev Qytaidaǵy joǵary oqý oryndarynyń birinde ekinshi kýrsta oqyǵan. Eki apta buryn ol Qaraǵandyda ata-anasynyń úiinde demalysyn ótkizip, birneshe kúnnen keiin Chanjoýǵa qaita oralǵan. Jataqhanada ol dosymen birge turypty.
Ulynyń qaza bolǵanyn ata-anasy 12 naýryzda estigen, aldyn ala málimet boiynsha, jigit ýlanyp qalǵan.
"Bizge keshe keshke uiqyǵa jatarda onyń jaǵdaiy nasharlaǵanyn aitty. Tańerteń tura salysymen balkondy ashqan. Dosy ony tómenge alyp túsip, sol jerde adamdar "jedel járdem" shaqyrǵan. Dárigerler Valeriidiń ómirin ajaldan arashalap qala almady", — dedi marqumnyń dosy Anastasiia Gerasimova.
Valeriidiń ákesi 13 naýryz kúni Qytaiǵa júrip ketken. Qaza bolǵan stýdent Resei azamattyǵyn alǵany belgili boldy, sondyqtan Qazaqstannyń SIM máiitti jetkizýge kómektese almaityndyqtaryn habarlady.
