«ArselorMittal Temirtaý» AQ «Tentek» shahtasynyń taý-ken sheberi Danil Polianskii jumysy men sportty qosa alyp keledi, dep habarlaidy óńir basshysynyń resmi saity.
Ol kásibi túrde jeńil atletikamen ainalysady.
Kenshi-sportshy olimpiada chempiony Olga Rypakovanyń syilyǵyna arnalǵan Halyqaralyq týrnirde altyn medal utyp enshiledi. Danil Polianskii syryqpen sekirýde 5.35 metr biiktikti baǵyndyryp, birinshi oryn aldy. Chempiondy Vasilii Karpov jattyqtyrady. - Sportpen qatar shahtadaǵy jumysymdy birge alyp júrý óte qiyn, alaida ázirge qolymnan kelip otyr. Men ózim kenshiler áýletinen shyqqanmyn. Shahtinskide dúniege keldim. Ákem 34 jyl úńgýshi bolyp jumys istedi, úlken aǵam Lenin shahtasynda - taý ken jumyskeri. Atam da kenshi bolǵan. Meniń sporttaǵy maqsatym - 2020 jyly Tokioda ótetin olimpiadaǵa litsenziia alý, - deidi Danil Polianskii.
Qazir ol - 27 jasta. Qaraǵandy memlekettik tehnikalyq ýniversitetin támamdaǵan soń shahtaǵa jumysqa ornalasqan.
Naýryzda Danil Polianskii ulttyq qurama sapynda Túrkiiaǵa Aziia chempionatyna daiyndalýǵa attanady. Atalmysh saiys kelesi jyldyń sáýirinde Katarda ótedi.
