Qaraǵandy oblysynda jaiaý júrginshini qaǵyp óltirý faktisi boiynsha qylmystyq isti toqtatý úshin para alǵan politsiia maiory áshkerelendi, dep habarlaidy QazAqparat tilshisi.
«QR Sybailas jemqorlyqqa qarsy is-qimyl Ulttyq biýrosy Qaraǵandy oblysy boiynshy departamenti QR IIM Ózindik qaýipsizdik qyzmetimen birlesip, Qaraǵandy oblysy Buqar jyraý aýdany politsiia basqarmasy Mustafin kentiniń politsiia bólimi bastyǵynyń orynbasary, politsiia maiorynyń paraqorlyq faktisin anyqtady», - dedi QR Sybailas jemqorlyqqa qarsy is-qimyl Ulttyq biýrosynyń baspasóz hatshysy Arman Berdalin elordada ótken brifingte.
Politsiia maiory jaiaý júrginshini qaǵyp óltirý faktisi boiynsha qylmystyq isti toqtatý úshin azamattan 300 myń teńge somasynda para alý boiynsha kúdikti dep tanylǵan.
«Kinásin tolyq moiyndaýyna bailanysty protsestik ustaý qoldanylǵan joq. Tergeý jalǵasyp jatyr», - dedi A. Berdalin.
