قاراعاندى وبلىسىندا جاياۋ جٷرگٸنشٸنٸ قاعىپ ٶلتٸرۋ فاكتٸسٸ بويىنشا قىلمىستىق ٸستٸ توقتاتۋ ٷشٸن پارا العان پوليتسييا مايورى ەشكەرەلەندٸ, دەپ حابارلايدى قازاقپارات تٸلشٸسٸ.
«قر سىبايلاس جەمقورلىققا قارسى ٸس-قيمىل ۇلتتىق بيۋروسى قاراعاندى وبلىسى بويىنشى دەپارتامەنتٸ قر ٸٸم ٶزٸندٸك قاۋٸپسٸزدٸك قىزمەتٸمەن بٸرلەسٸپ, قاراعاندى وبلىسى بۇقار جىراۋ اۋدانى پوليتسييا باسقارماسى مۇستافين كەنتٸنٸڭ پوليتسييا بٶلٸمٸ باستىعىنىڭ ورىنباسارى, پوليتسييا مايورىنىڭ پاراقورلىق فاكتٸسٸن انىقتادى», - دەدٸ قر سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ باسپاسٶز حاتشىسى ارمان بەردالين ەلوردادا ٶتكەن بريفينگتە.
پوليتسييا مايورى جاياۋ جٷرگٸنشٸنٸ قاعىپ ٶلتٸرۋ فاكتٸسٸ بويىنشا قىلمىستىق ٸستٸ توقتاتۋ ٷشٸن ازاماتتان 300 مىڭ تەڭگە سوماسىندا پارا الۋ بويىنشا كٷدٸكتٸ دەپ تانىلعان.
«كٸنەسٸن تولىق مويىنداۋىنا بايلانىستى پروتسەستٸك ۇستاۋ قولدانىلعان جوق. تەرگەۋ جالعاسىپ جاتىر», - دەدٸ ا. بەردالين.
