Qaraǵandy qalasyndaǵy Nazarbaev Ziiatkerlik mektebiniń 11-synyp oqýshysy Raqym Baimýrzin 62-shi Halyqaralyq matematika olimpiadasynyń (IMO) qola medalin jeńip aldy, dep habarlaidy "Ult aqparat".
Biylǵy jyly jas matematikterdiń jarysy onlainda ótti. Olimpiadaǵa álemniń 107 elinen 600-den astam oqýshy qatysty. Qaraǵandylyq Raqym Baimýrzin alty adamnan turatyn qazaqstandyq komandaǵa endi. Qurama alty medalǵa ie boldy: bir altyn, úsh kúmis jáne eki qola.
«Tapsyrmalar qiyn boldy. Nátijesi qanaǵattandyrdy. IMO-da 2022 jyly óner kórsetip, óz deńgeiimdi kórsete alamyn dep úmittenemin», – deidi Raqym Baimýrzin.
Jas matematiktiń kóptegen jetistikteri bar. Ol XVII Halyqaralyq Jáýtikov jáne Halyqaralyq Aziia-Tynyq muhit matematika olimpiadalarynyń kúmis júldegeri, «Jibek joly» halyqaralyq matematikalyq olimpiadasynyń qola júldegeri. Nazarbaev Ziiatkerlik mektepteriniń jelilik olimpiadasynda jáne jalpy bilim beretin pánder boiynsha respýblikalyq olimpiadada ekinshi oryn alǵan.
