Qaraǵandy oblysynda fermer kórshi sharýashylyqtyń iesine tiesili tórt jylqyny atyp óltirdi. Janýarlar onyń astyq alqabyna túsip ketken, dep habarlaidy QazAqparat.
30 qyrkúiekte Qaraǵandy oblysy Buqar Jyraý aýdanynyń politsiia basqarmasy Ǵ.Mustafin kentiniń politsiia bólimine 62 jastaǵy sharýa qojalyǵynyń basshysynan aryz túsken. Ol belgisiz bireý onyń tórt jylqysyn atyp tastaǵanyn habarlaǵan. Shyǵyn somasy 3 mln teńgeni qurady. Oqiǵa ornyna jedel-tergeý toby attandy.
«Politseiler kúdiktini izin sýytpai ustady. Ol basqa sharýa qojalyǵynyń 71 jastaǵy basshysy bolyp shyqty. Fermer jylqylardyń astyq alqabynda jaiylyp júrgenin jáne olardy qorqytý úshin atys qarýyn qoldanǵanyn túsindirdi. Politsiia kúdiktiden tirkelgen ań myltyǵyn tárkiledi. QR Qylmystyq kodeksiniń 202-baby «Bótenniń múlkin qasaqana joiý nemese búldirý» boiynsha qylmystyq is qozǵaldy. Tergeý júrip jatyr», - dep habarlady Qaraǵandy oblysy Politsiia departamentiniń baspasóz qyzmetinen.
QR QK-niń atalmysh baby boiynsha fermerge 2000 AEK (1 AEK – 2917 teńge) nemese 5 834 000 kóleminde aiyppul salynady nemese eki jylǵa bas bostandyǵynan aiyrylýy múmkin.
