قاراعاندى وبلىسىندا فەرمەر كٶرشٸ شارۋاشىلىقتىڭ يەسٸنە تيەسٸلٸ تٶرت جىلقىنى اتىپ ٶلتٸردٸ. جانۋارلار ونىڭ استىق القابىنا تٷسٸپ كەتكەن, دەپ حابارلايدى قازاقپارات.
30 قىركٷيەكتە قاراعاندى وبلىسى بۇقار جىراۋ اۋدانىنىڭ پوليتسييا باسقارماسى ع.مۇستافين كەنتٸنٸڭ پوليتسييا بٶلٸمٸنە 62 جاستاعى شارۋا قوجالىعىنىڭ باسشىسىنان ارىز تٷسكەن. ول بەلگٸسٸز بٸرەۋ ونىڭ تٶرت جىلقىسىن اتىپ تاستاعانىن حابارلاعان. شىعىن سوماسى 3 ملن تەڭگەنٸ قۇرادى. وقيعا ورنىنا جەدەل-تەرگەۋ توبى اتتاندى.
«پوليتسەيلەر كٷدٸكتٸنٸ ٸزٸن سۋىتپاي ۇستادى. ول باسقا شارۋا قوجالىعىنىڭ 71 جاستاعى باسشىسى بولىپ شىقتى. فەرمەر جىلقىلاردىڭ استىق القابىندا جايىلىپ جٷرگەنٸن جەنە ولاردى قورقىتۋ ٷشٸن اتىس قارۋىن قولدانعانىن تٷسٸندٸردٸ. پوليتسييا كٷدٸكتٸدەن تٸركەلگەن اڭ مىلتىعىن تەركٸلەدٸ. قر قىلمىستىق كودەكسٸنٸڭ 202-بابى «بٶتەننٸڭ مٷلكٸن قاساقانا جويۋ نەمەسە بٷلدٸرۋ» بويىنشا قىلمىستىق ٸس قوزعالدى. تەرگەۋ جٷرٸپ جاتىر», - دەپ حابارلادى قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸنەن.
قر قك-نٸڭ اتالمىش بابى بويىنشا فەرمەرگە 2000 اەك (1 اەك – 2917 تەڭگە) نەمەسە 5 834 000 كٶلەمٸندە ايىپپۇل سالىنادى نەمەسە ەكٸ جىلعا باس بوستاندىعىنان ايىرىلۋى مٷمكٸن.
