Qaraǵandyǵa COVID-19, pnevmoniia jáne basqa da birqatar dertti emdeýde qoldanylatyn dári-dármekterdiń úlken partiiasy jetkizildi, dep habarlaidy "Ult aqparat".
Dári-dármekter charterlik reispen reseilik Nijnii Novgorod qalasynan jetkizildi.
Aviareis Qaraǵandy oblystyq ákimdigi jáne «Qazaqmys» korporatsiiasynyń qoldaýymen uiymdastyryldy. Meditsinalyq preparattardyń jalpy salmaǵy 17 tonnany quraidy. Dárilerdiń jartysy, iaǵni 8,5 tonnasy Qaraǵandy oblysqa arnalǵan. Júktiń qalǵan bóligi Pavlodar jáne Nur-Sultan qalalaryna jóneltiledi.
Bul taýar gýmanitarlyq kómek emes.
Meditsinalyq zattardy dárihana jelileriniń distribiýtory satyp alyǵan. Ákimdik dári-dármekterdi satyp alý jáne engizý protsedýralaryn jeńildetý jáne logistika jónindegi máselelerge qoldaý kórsetti.
Atalmysh partiia statsionarlar men dárihanalarǵa taratylady.
Bul joly turǵyndar arasynda asa qajet bolyp otyrǵan preparattar satyp alyndy. Olar: tseftriakson, reamberin, kleksan, prednizolon, tsikloferon, azitromitsin jáne ystyqty basatyn dáriler.
Jaqyn ýaqytta dári-dármekter Qaraǵandy oblysynyń dárihanalaryna jáne qalalar men aýdandardyń statsionarlaryna jetkiziledi.
Sondai-aq óńirimizge 700 myń qaptama paratsetamol jetkiziledi dep kútilýde.
Oblys turǵyndarynyń qajettiligin óteýge arnalǵan dári-dármekterdi jetkizý boiynsha jumystar turaqty túrde jalǵasatyn bolady.
