Qarýly Kúshterdiń áskeri qyzmetshileri Qaraǵandy oblysynda júk poiyzynyń joldan shyǵyp ketýinen bolǵan apattyń saldaryn joiýǵa járdemdesýde. Oǵan jeke quramnan 100-den astam adam men arnaiy tehnika jumyldyryldy, dep habarlaidy QazAqparat QM baspasóz qyzmetine silteme jasap.
Esterińizge sala ketsek, oqiǵa biyl 1 aqpanda boldy. Júrip kele jatqan júk poiyzynyń 12 vagony relsten shyǵyp ketken. Saldarynan temirjol tósemi, elektr jelileri zaqymdaldy. Áskeri eshelondardyń qozǵalysyna oryn alǵan oqiǵa áser etken joq.
Qarýly Kúshterdiń áskeri qyzmetshilerin azamattyq mindetterdi sheshýge jumyldyrý el ekonomikasyn odan ári damytý maqsatynda ulttyq kólik infraqurylymynyń turaqty túrde jumys isteýin qamtamasyz etýge baǵyttalyp otyr.
