Qaraǵandylyqtar ortalyq saiabaqtaǵy kólge las sý quiylyp jatyr dep dabyl qaqty. Bul jaǵdaiǵa qala ákimdigi túsinikteme berdi, dep habarlaidy QazAqparat.
Áleýmetttik jelide Qaraǵandynyń ortalyq saiabaǵyndaǵy kólge las sý quiylyp jatqany týraly video tarady.
Ákimdiktiń habarlaýynsha, Qaraǵandyda Solnechnaia kóshesinen «Zapadnaia» sorǵy stantsiiasyna deiin ótetin magistraldy sý tartqyshty paidalanýǵa berý boiynsha jumystar júrgizilýde. Magistraldyń jalpy uzyndyǵy 8,4 shaqyrymdy quraidy. Búginnen bastap «Qaraǵandy Sý» JShS kompaniiasy júieni iske qosar aldynda tehnologiialyq is-sharalaryn, iaǵni jańa qubyrlardy shaiý jumystaryn ótkizgen. Qala basshylyǵy magistraldy tazartqan sýdy ortalyq saiabaqtyń kóline quiý týraly sheshim qabyldaǵan.
«Qazirgi ýaqytta bul sý taratqyshty taza aýyz sýmen jýyp jatyr, Ortalyq saiabaqtaǵy jasandy sý qoimasyn toltyrý úshin osy sýdy qaita paidalaný týraly sheshim qabyldandy. Jýý kezinde qubyrǵa qysymmen taza sý jiberiledi. Qysymnyń saldarynan qubyrdaǵy sý sarqylyp nátijesinde qum men sazben aralasqan sý qońyr túske ainalady. Uqsas qubylys jańbyr kezinde de paida bolady, topyraq qospalary bar sý aǵyndary ózender men kólderdiń sýyna aǵyp, túbinde jinalady. Bul jaǵdaida qum men sazdyń bólshekteri tunǵan soń, sý taza bolady. Saiabaqtaǵy sý da tunǵan soń, kóldiń sýy tazarady», - dep túsindirdi Qaraǵandy qalasy ákiminiń baspasóz qyzmeti.
Sondai-aq ákimdik bul sý qubyry kópshilik úshin mańyzdy ekenin atap ótti.
