قاراعاندىلىقتار ورتالىق ساياباقتاعى كٶلگە لاس سۋ قۇيىلىپ جاتىر دەپ دابىل قاقتى. بۇل جاعدايعا قالا ەكٸمدٸگٸ تٷسٸنٸكتەمە بەردٸ, دەپ حابارلايدى قازاقپارات.
ەلەۋمەتتتٸك جەلٸدە قاراعاندىنىڭ ورتالىق ساياباعىنداعى كٶلگە لاس سۋ قۇيىلىپ جاتقانى تۋرالى ۆيدەو تارادى.
ەكٸمدٸكتٸڭ حابارلاۋىنشا, قاراعاندىدا سولنەچنايا كٶشەسٸنەن «زاپادنايا» سورعى ستانتسيياسىنا دەيٸن ٶتەتٸن ماگيسترالدى سۋ تارتقىشتى پايدالانۋعا بەرۋ بويىنشا جۇمىستار جٷرگٸزٸلۋدە. ماگيسترالدىڭ جالپى ۇزىندىعى 8,4 شاقىرىمدى قۇرايدى. بٷگٸننەن باستاپ «قاراعاندى سۋ» جشس كومپانيياسى جٷيەنٸ ٸسكە قوسار الدىندا تەحنولوگييالىق ٸس-شارالارىن, ياعني جاڭا قۇبىرلاردى شايۋ جۇمىستارىن ٶتكٸزگەن. قالا باسشىلىعى ماگيسترالدى تازارتقان سۋدى ورتالىق ساياباقتىڭ كٶلٸنە قۇيۋ تۋرالى شەشٸم قابىلداعان.
«قازٸرگٸ ۋاقىتتا بۇل سۋ تاراتقىشتى تازا اۋىز سۋمەن جۋىپ جاتىر, ورتالىق ساياباقتاعى جاساندى سۋ قويماسىن تولتىرۋ ٷشٸن وسى سۋدى قايتا پايدالانۋ تۋرالى شەشٸم قابىلداندى. جۋۋ كەزٸندە قۇبىرعا قىسىممەن تازا سۋ جٸبەرٸلەدٸ. قىسىمنىڭ سالدارىنان قۇبىرداعى سۋ سارقىلىپ نەتيجەسٸندە قۇم مەن سازبەن ارالاسقان سۋ قوڭىر تٷسكە اينالادى. ۇقساس قۇبىلىس جاڭبىر كەزٸندە دە پايدا بولادى, توپىراق قوسپالارى بار سۋ اعىندارى ٶزەندەر مەن كٶلدەردٸڭ سۋىنا اعىپ, تٷبٸندە جينالادى. بۇل جاعدايدا قۇم مەن سازدىڭ بٶلشەكتەرٸ تۇنعان سوڭ, سۋ تازا بولادى. ساياباقتاعى سۋ دا تۇنعان سوڭ, كٶلدٸڭ سۋى تازارادى», - دەپ تٷسٸندٸردٸ قاراعاندى قالاسى ەكٸمٸنٸڭ باسپاسٶز قىزمەتٸ.
سونداي-اق ەكٸمدٸك بۇل سۋ قۇبىرى كٶپشٸلٸك ٷشٸن ماڭىزدى ەكەنٸن اتاپ ٶتتٸ.
