Qaraǵandy oblysynyń politsiia departamenti taksi júrgizýshisi men onyń jolaýshysy arasyndaǵy atys jaǵdaiyn túsindirdi. Zardap shekkender joq, dep habarlaidy QazAqparat.
27 qazanda saǵat 22.00 shamasynda Qaraǵandy qalasy Oktiabr politsiia bólimine shaǵyn aýdandardyń birinde taksi júrgizýshisine shabýyl jasaǵany týraly habarlama kelip tústi.
Oqiǵa ornyna birinshi bolyp Qaraǵandy qalasy patrýl politsiia polkiniń jasaǵy jetti.
Jábirlenýshi, taksomotor parkiniń 35 jastaǵy júrgizýshisi politsiiaǵa jol aqysyn tóleýden bas tartqan jolaýshymen janjal bolǵanyn túsindirdi.
Qaqtyǵys kezinde klient pyshaq alyp, jábirlenýshige shabýyl jasaǵan. Biraq júrgizýshi kóliktiń salonynan qashyp úlgergen.
O sy kezde kóshede ótip bara jatqan bir azamat taksi júrgizýshisine kómekke kelgen. Er adamdar kólikten qaskúnemdi alyp shyǵýǵa tyrysqan.
Alaida ol qarsylastaryna pyshaq ala júgirgen.
Sol mezette júrgizýshige kómekke kelgen azamat oǵan belgisiz travmatikalyq qarýdan birneshe ret oq atqan.
«Politsiia qyzmetkerleri izin sýytpai mas bolǵan 55 jastaǵy er adamdy ustady. Oǵan meditsinalyq kómek kórsetildi, aýrýhanaǵa jatqyzylǵan joq. Atalǵan fakti boiynsha QR QK 293-baby «buzaqylyq» boiynsha sotqa deiingi tergeý bastaldy. Qazirgi ýaqytta oq atqan adamnyń aty-jóni anyqtalyp jatyr», - dep habarlady Qaraǵandy oblysy PD baspasóz qyzmeti.
