قاراعاندى وبلىسىنىڭ پوليتسييا دەپارتامەنتٸ تاكسي جٷرگٸزۋشٸسٸ مەن ونىڭ جولاۋشىسى اراسىنداعى اتىس جاعدايىن تٷسٸندٸردٸ. زارداپ شەككەندەر جوق, دەپ حابارلايدى قازاقپارات.
27 قازاندا ساعات 22.00 شاماسىندا قاراعاندى قالاسى وكتيابر پوليتسييا بٶلٸمٸنە شاعىن اۋدانداردىڭ بٸرٸندە تاكسي جٷرگٸزۋشٸسٸنە شابۋىل جاساعانى تۋرالى حابارلاما كەلٸپ تٷستٸ.
وقيعا ورنىنا بٸرٸنشٸ بولىپ قاراعاندى قالاسى پاترۋل پوليتسييا پولكٸنٸڭ جاساعى جەتتٸ.
جەبٸرلەنۋشٸ, تاكسوموتور پاركٸنٸڭ 35 جاستاعى جٷرگٸزۋشٸسٸ پوليتسيياعا جول اقىسىن تٶلەۋدەن باس تارتقان جولاۋشىمەن جانجال بولعانىن تٷسٸندٸردٸ.
قاقتىعىس كەزٸندە كليەنت پىشاق الىپ, جەبٸرلەنۋشٸگە شابۋىل جاساعان. بٸراق جٷرگٸزۋشٸ كٶلٸكتٸڭ سالونىنان قاشىپ ٷلگەرگەن.
و سى كەزدە كٶشەدە ٶتٸپ بارا جاتقان بٸر ازامات تاكسي جٷرگٸزۋشٸسٸنە كٶمەككە كەلگەن. ەر ادامدار كٶلٸكتەن قاسكٷنەمدٸ الىپ شىعۋعا تىرىسقان.
الايدا ول قارسىلاستارىنا پىشاق الا جٷگٸرگەن.
سول مەزەتتە جٷرگٸزۋشٸگە كٶمەككە كەلگەن ازامات وعان بەلگٸسٸز تراۆماتيكالىق قارۋدان بٸرنەشە رەت وق اتقان.
«پوليتسييا قىزمەتكەرلەرٸ ٸزٸن سۋىتپاي ماس بولعان 55 جاستاعى ەر ادامدى ۇستادى. وعان مەديتسينالىق كٶمەك كٶرسەتٸلدٸ, اۋرۋحاناعا جاتقىزىلعان جوق. اتالعان فاكتٸ بويىنشا قر قك 293-بابى «بۇزاقىلىق» بويىنشا سوتقا دەيٸنگٸ تەرگەۋ باستالدى. قازٸرگٸ ۋاقىتتا وق اتقان ادامنىڭ اتى-جٶنٸ انىقتالىپ جاتىر», - دەپ حابارلادى قاراعاندى وبلىسى پد باسپاسٶز قىزمەتٸ.
