foto: andresr / Getty Images
Qaraǵandy oblysyndaǵy shahtada bolǵan apattan qaza tapqandar sany ósti, dep habarlaidy "Ult aqparat" Tótenshe jaǵdailar ministrligine silteme jasap.
"Saǵat 16:00 jaǵdai boiynsha, Kostenko atyndaǵy shahtada 32 adamnyń denesi tabyldy, 14 kenshini izdeý jumystary jalǵasyp jatyr" - delingen habarlamada.
Aita keteiik, "ArselorMittalTemirtaý" AQ Kómir departamentiniń Kostenko atyndaǵy shahtadaǵy avariialyq-qutqarý jumystaryna "Kásibi áskerilendirilgen avariialyq-qutqarý qyzmetteriniń respýblikalyq ortalyq shtaby" JShS Qaraǵandy filialynyń taý-ken qutqarýshylary jumyldyrylǵan.
Aqparattyq jáne psihologiialyq qoldaý úshin Qaraǵandy qalasynda (TJD 8-7212-51-72-23, ArselorMittal Temirtaý 8-7212-49-72-70) jáne Astanada (8-7172-70-41-08) «jedel jeli» telefondary jumys isteidi.
