Qaraǵandy oblysynyń Abai qalasy mańynda mikroavtobýs joldyń qarama-qarsy jolaǵyna shyǵyp ketip, jeńil kólikpen jáne júk kóligimen soqtyǵysty. Apat saldarynan Toiota markaly jeńil kóliktiń ishindegi júrgizýshi men 10 jasar bala kóz jumdy, dep habarlaidy QazAqparat.
Qaiǵyly oqiǵa búgin saǵat 15.00 shamasynda Abai qalasynan 1 shaqyrym jerde boldy.
Politseilerdiń málimdeýinshe, 39 jastaǵy Mercedes-Benz Sprinte avtokóliginiń júrgizýshisi Qaraǵandy qalasynan shǵyp bara jatyp, aldyn ala boljam boiynsha joldyń qarsy baǵytyna shyǵyp, Toyota Avensis jáne Volvo júk kóligimen soqtyǵysqan.
«Jol-kólik oqiǵasynyń saldarynan Mercedes-Benz Sprinte avtokóliginiń júrgizýshisi jáne Toyota Avensis avtokóliginiń 10 jastaǵy jolaýshysy oqiǵa orynynda mert boldy. Mercedes-Benz Sprinte jáne Toyota Avensis avtokólikteriniń jolaýshylary aýrýhanaǵa jetkizildi», - dep habarlady Qaraǵandy oblysy Politsiia departamentiniń baspasóz qyzmeti.
Atalǵan fakti politsiiada tirkelip, tiisti saraptamalar taǵaiyndaldy. Oqiǵa ornynda Qaraǵandy oblystyq Politsiia departamentiniń jedel-tergeý toby jumys istep jatyr. Jol-kólik oqiǵasy bolǵan joldyń bóligi ýaqytsha jabyldy.
Qaraǵandy oblystyq Politsiia departamenti kólik júrgizýshilerge jyldamdyqty shekten tys asyrmai, jol-júrý erejelerin qatań saqtaýdy eskertedi.
