Foto:instagram.com/dorogi_karagandy
Qaraǵandyda eki kólik soqtyǵysyp, alty ailyq náreste alǵan jaraqatynan oqiǵa ornynda qaza boldy, - dep habarlaidy Tengrinews.kz tilshisi.
Jol-kólik oqiǵasy Maiqudyqta bolǵan. Aldyn ala málimet boiynsha, qaqtyǵys Mercedes-Benz E 220 avtokóliginiń 21 jastaǵy júrgizýshisiniń kinásinen bolǵan. Karl Marks kóshesiniń boiymen Ligovskaia kóshesiniń qiylysynda ol sary baǵdarshamǵa ótip, Volkswagen Golf-pen soqtyǵysqan.
Golf kóligin 24 jastaǵy júrgizýshi basqarǵan, al kólikte 25 jastaǵy jolaýshy men onyń alty ailyq balasy bolǵan.
Júrgizýshiler men jolaýshy áiel aýrýhanaǵa jatqyzyldy. Ókinishke qarai, alty ailyq sábi alǵan jaraqatynan kóz jumdy. Oqiǵa ornynan túsirilgen sýretter áleýmettik jelide jariialandy.
"Fakt politsiiaǵa tirkeldi, tiisti saraptamalar taǵaiyndaldy, onyń qorytyndysy boiynsha protsessýaldyq sheshim qabyldanady", - dep habarlady Qaraǵandy oblysy DPD baspasóz qyzmeti.
