«Soiýz MS-12» kemesiniń ekipajy Jezqazǵannan 145 shaqyrym jerge qondy. Qaraǵandy oblysynyń ákimi Jeńis Qasymbek jáne Resei, AQSh, BAÁ aeroǵarysh vedomstvolarynyń ókilderi Qaraǵandy qalasynyń áýejaiynda ǵaryshkerlerdi qarsy aldy, dep habarlaidy óńir basshysynyń resmi saity.
Reseilik ǵaryshker Aleksei Ovchinin, amerikandyq astronavt Nik Heig jáne BAÁ-nen Halyqaralyq ǵarysh stantsiiasyna ǵaryshtyq ushýdyń birinshi qatysýshysy Hazzaa Al Mansýri «Soiýz MS-12» kemesinen Jerge oraldy. - Qymbatty ǵaryshkerler, Qazaqstannyń qonaqjai jerine qosh keldińizder. Qalyptasqan dástúr boiynsha qaraǵandylyqtar ǵaryshkerlerdi birinshi bolyp qarsy alady. Biz sizderdi HǴS 60-shy mereitoilyq missiiasynyń sátti aiaqtalýymen quttyqtaimyz, - dedi Qaraǵandy oblysynyń ákimi Jeńis Qasymbek ǵaryshkerlerdi qarsy alý kezinde. Dástúr boiynsha barlyq qazaqstandyqtardyń atynan ekipaj múshelerine shapandar syiǵa tartyldy, al Rosaviatsiia ókilderi ǵaryshkerler beinelengen matreshkalardy tabys etti. Jalpy ekipaj ǵaryshta alty aidan astam ýaqyt ótkizdi. Aleksei Ovchinin jáne amerikandyq Nik Heig HǴS-qa 2019 jyldyń 15 naýryzynda qondy. 25 qyrkúiekte «SOIýZ MS-12» kemesiniń internatsionaldyq ekipajy quramynda Baiqońyr ǵarysh ailaǵynan orbitaǵa shyqqan Hazzaa Ál Mansýri HǴS-qa kelgen Birikken Arab Ámirlikteriniń birinshi ókili bolyp tabylady. Osy oqiǵanyń qurmetine onyń fotosýreti álemniń eń biik ǵimaratynda — Býrdj-Halifa ǵimaratynyń shyńynda ornalastyrylǵan. - Men óz elimniń alǵashqy astronavty bolǵanymdy maqtan tutamyn. Osy alǵan tájiribemdi ǵaryshqa ushatyn basqa da arab astronavtarymen bólisýdi josparlap otyrmyn. Halyqaralyq ǵarysh stantsiiasynan jerdi kórgendegi óz sezimimdi sipattaý óte qiyn. Ol erekshe bir keremekt kórinis. HǴS-da uzaǵyraq qalǵym keldi, - dep bólisti BAÁ astronavty Hazzaa Ál Mansýri. «Soiýz MS-12» kemesi HǴS quramynda bolǵan ýaqyt aralyǵynda ǵaryshkerler «Progress MS-11», «Progress MS-12», Cygnus NG-11 jáne Konotouri-8 júk kemelerin qabyldady, «Soiýz MS-13» jáne «Soiýz MS-15» kemeleriniń ekipajdaryn qarsy aldy. Sondai-aq 22 tamyzda jaqyndastyrý jáne túiistirý júiesiniń aqaýlarynan keiin stantsiiaǵa 27 tamyzda ailaqqa jetkizilgen «Soiýz MS-14» ǵarysh kemesimen jetkizilgen «Fedor» antropomorfty robotymen jumys istedi.
