Qaraǵandyda «Saran» shahtasynan órt shyqty. Shahtada transporter taspasy men ishki qaptama janyp ketti, dep habarlaidy "Ult aqparat".
«Arselor Mittal Temirtaý» AQ «Saran» shahtasynda órt shyqqany týraly habarlama 28 naýryz kúni saǵat 15:36-da kelip tústi. Aýmaqta tehnologiialyq keshenniń 2 galereiasynda transporter taspasy men ishki aǵash qaptamasy janǵan.
«+24 jáne +27 metr biiktiktegi 2 galereia qulady. Órt 16:53-te sóndirildi. Jalyn sharpyǵan aýmaqtyń jalpy aýdany 350 sharshy metrdi qurady. Órt bolǵan jerge sý shashý jáne buzý jumystary jalǵasýda. Órttiń shyǵý sebebi anyqtalýda», - dep habarlady Qaraǵandy oblysy Tótenshe jaǵdailar departamentiniń baspasóz qyzmeti.
