قاراعاندىدا «ساران» شاحتاسىنان ٶرت شىقتى. شاحتادا ترانسپورتەر تاسپاسى مەن ٸشكٸ قاپتاما جانىپ كەتتٸ, دەپ حابارلايدى "ۇلت اقپارات".
«ارسەلور ميتتال تەمٸرتاۋ» اق «ساران» شاحتاسىندا ٶرت شىققانى تۋرالى حابارلاما 28 ناۋرىز كٷنٸ ساعات 15:36-دا كەلٸپ تٷستٸ. اۋماقتا تەحنولوگييالىق كەشەننٸڭ 2 گالەرەياسىندا ترانسپورتەر تاسپاسى مەن ٸشكٸ اعاش قاپتاماسى جانعان.
«+24 جەنە +27 مەتر بيٸكتٸكتەگٸ 2 گالەرەيا قۇلادى. ٶرت 16:53-تە سٶندٸرٸلدٸ. جالىن شارپىعان اۋماقتىڭ جالپى اۋدانى 350 شارشى مەتردٸ قۇرادى. ٶرت بولعان جەرگە سۋ شاشۋ جەنە بۇزۋ جۇمىستارى جالعاسۋدا. ٶرتتٸڭ شىعۋ سەبەبٸ انىقتالۋدا», - دەپ حابارلادى قاراعاندى وبلىسى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
