Qaraǵandy qalasynyń Qazybek bi aýdandyq sotynda roýpdjamping nusqaýshysyna qatysty úkim shyqty, - dep habarlaidy Tengrinews.kz.
Qazybek bi aýdandyq soty ony qylmystyq bap boiynsha kináli dep taýyp, tórt jylǵa bas bostandyǵynan aiyrdy.
"Sot sottalýshy Aleksandr Mýznikasty QR QK-nyń 306-baby 3-bóliginde kózdelgen qylmysty jasaǵany úshin kináli dep tanyp, ortasha qaýipsizdik QAJ mekemesinde jazasyn ótei otyryp, 4 jylǵa bas bostandyǵynan aiyrý jazasyn taǵaiyndady", - dep úkim shyǵardy sýdia Manat Jumaqaeva.
Jaza taǵaiyndaý kezinde sot sottalýshynyń jeke basyn, onyń oqiǵaǵa deiingi jáne odan keiingi minez-qulqyn eskergeni atap ótilgen. Buǵan deiin ol qylmystyq jaýapkershilikke tartylmaǵan, marqumnyń otbasyna janashyrlyq tanytqan. Qylmys abaisyzda jasalǵan. Sondyqtan sot sottalýshyǵa eń tómengi jaza taǵaiyndady.
Jábirlenýshi taraptyń talaptary ishinara qanaǵattandyrylǵan. Sot sottalýshynyń materialdyq jaǵdaiyn nazarǵa alyp, odan eki jábirlenýshi – marqumnyń anasy men onyń kúieýiniń paidasyna jalpy sany alty million teńge óndirdi.
Eske salaiyq, 10 qazanda Qaraǵandyda roýpdjampingte 33 jastaǵy áiel qaza boldy. Ol "Sozvezdie" qonaqúiiniń tóbesinen sekirip, aýyr jaraqat aldy. Ol shuǵyl túrde aýrýhanaǵa jatqyzyldy, biraq dárigerler qutqaryp qala almady. Áleýmettik jelilerde áieldiń sekirgendegi videosy taraǵan bolatyn.
