Qaraǵandyda on kósheniń ataýyn ózgertý týraly sheshim qabyldandy, – dep habarlady ekaraganda.kz.
Birqatar kósheniń ataýyn ózgertý týraly sheshim qoǵamdyq tyńdaý barysynda sheshildi, jiynǵa 1000-nan astam qala turǵyny qatysty.
Qoǵamdyq tyńdaýǵa bir myńnan astam adam qatysty. Jinalystyń qaraýyna on kósheniń ataýyn ózgertý máselesi shyǵaryldy. Sebebi kóbisi eskirgen. Olardyń ishine Volochaevskaia, Zashitnaia, Zonalnaia, Krivogýz, Kývskaia, Lenin, Olimpiiskaia jáne Prikanalnaia kósheleri bar.
Osylaisha, Volochaevskaia kóshesi Uly Otan soǵysynyń ardageri Qamali Dúisembekovtyń atyna aýyssa, Zashitnaia qoǵam qairatkeri, etnograf Grigorii Potanin bolyp ózgertiledi. Zonalnaia kóshesi geograf, etnograf-zertteýshi, QazSSR halyq ártisi Aleksandr Zataevich dep atalatyn bolady. Krivogýz kóshesi – qazaq poeziiasynyń kórnekti ókili Qasym Amanjolov, al qazirgi Amanjolov kóshesine "Balqantaý" degen ataý beriledi.
Kývskaia kóshesine UOS ardageri Qazybek Nurjanovtyń aty berilse, búgingi Nurjanov kóshesi "Merei" dep atalady. Lenindi uly aqyn Abai Qunanbaev almastyrady. Al Olimpiiskaia kóshesine eńbek ardageri, qalanyń qurmetti azamaty Narmanbet Tólepovtyń aty beriledi. Al Prikanalnaia "Saryarqa" bolyp ózgertilmek.
