Foto: polisia.kz
Qaraǵandy oblysynda uiymdasqan qylmysqa qarsy kúres basqarmasynyń jedel ýákilderi prokýratýramen birlesip, qylmystyq toptyń áreketine tosqaýyl qoidy, - dep habarlaidy «Ult aqparat» Polisia.kz saityna silteme jasap.
Jedel izdestirý is-sharalary barysynda osy toptyń 12 qylmysqa qatysy bary anyqtalǵan. Jábirlenýshiler - "Qarmet" AQ qyzmetkerleri, jeke kásipkerler jáne joǵary oqý oryndarynyń stýdentteri.
Kúdiktiler qoǵamdyq tártipti óreskel buza otyryp, qylmys jasaǵan. Olar uryp-soǵyp, múlikti tartyp alyp, aqsha bopsalaýmen ainalysqan.
"Jalpy toptyń 25 múshesi ustaldy. Onyń ishinde eń belsendi 10 adam qamaýǵa alyndy. Tintý barysynda atys jáne sýyq qarý, oq-dári, dini ádebiet pen iri kólemde qarajat tárkilendi. Qazirgi ýaqytta olardyń basqa da qylmystarǵa qatysy bar-joǵy tekserilip jatyr. Basqa aqparat tergeý múddesinde jariia etilmeidi", – dedi departament bastyǵy – IIM resmi ókili Shyńǵys Alekeshev.
