Foto: ashyq derekkóz
Qaraǵandy qalasynda qutqarýshylar besinshi qabattaǵy páterdiń terezesinde aiaǵyn salbyratyp otyrǵan 8 jastaǵy qyzdy túsirip aldy, dep habarlaidy Ult.kz.
Oqiǵa týraly kórshilerdiń biri der kezinde habar bergen.
Tótenshe jaǵdai Muqanov kóshesi, 32-úide bolǵan. Kýágerdiń aitýynsha, ol kópqabatty úidiń besinshi qabatyndaǵy terezede otyrǵan balany baiqap, birden qutqarý qyzmetine qońyraý shalǵan. Shaqyrtý tótenshe jaǵdailar qyzmetine saǵat 20:10-da túsken.
Oqiǵa ornyna jetken qutqarýshylar eki topqa bólingen. Biri úidiń syrtynda qalyp, avtosatyny ázirlese, ekinshi top podezd arqyly páterge kirmek bolǵan.
Alaida páterdiń esigi ishten qulyptaýly bolyp shyqqan. Qutqarýshylar esikti buzýǵa daiyndalyp jatqan sátte balanyń anasy úige oralyp, esikti ózi ashqan.
Qyz bala tereze jaqtaýynan qaýipsiz túrde túsirildi. Tótenshe jaǵdailar qyzmetiniń málimetinshe, bala anasynyń jumystan kelýin kútip, tereze aldyna shyqqan.
