Qaraǵandy qalasy ákiminiń burynǵy orynbasary Jaqsylyq Shalabekov qonys koloniiasynda jazasyn ótei otyryp, bir jarym jylǵa bas bostandyǵynan aiyryldy, dep habarlaidy "Ult aqparat".
Búgin Qazybek bi aýdandyq sotynyń sýdiasy Saian Aqqojin Qaraǵandy ákiminiń burynǵy orynbasary Jaqsylyq Shalabekov pen beznesmen Ermek Qasenovtyń qylmystyq isi boiynsha úkim shyǵardy. Sottalýshylar eki kópqabatty úi salýǵa arnalǵan 120 mln teńge kóleminde biýdjet qarajatyn jymqyrǵany úshin aiyptaldy.
Prokýrorlardyń aitýynsha, 2017 jyldyń qyrkúieginde kezekte turǵandar úshin turǵyn úi salýmen ainalysqan Ermek Qasenov Jaqsylyq Shalabekovke biýdjet qarajatyn jymqyrý shemasyn usynǵan. Atalmysh shemaǵa sáikes, ol memlekettik satyp alý týraly shart boiynsha avanstardy aýdarý týraly qujattarǵa qol qoiýy tiis bolatyn. Sol kezde Shalabekov qurylys bóliminiń basshysy bolǵan. Jáne ol osy zańsyz operatsiiaǵa barýǵa kelismin bergen.
Sot sottalýshylardyń is-áreketterin qaita saralady, sebebi sot otyrysy barysynda biýdjet qarajatyn jymqyrý faktisi rastalmady.
«Shalabekov pen Qasenov, sondai-aq basqa da tulǵalar arasyndaǵy 120 million teńge jymqyrý jáne iemdený jolymen aldyn ala sóz bailasý faktisi sot tergeýi barysynda óziniń rastaýyn tappady. Aiyptaý boljamdarǵa negizdelgen, al sotqa deiingi tergep-tekserý kezindegi óreskel is júrgizý buzýshylyqtaryna bailanysty aiyptaýdyń negizgi dáleldemelerin sot jol berýge bolmaidy dep tanyǵan. Sondyqtan sot sottalýshylarǵa qatysty aiyptaýdy qaita baǵalady», - dedi sýdia Saian Aqqojin.
QR QK 190-baby 4-bóliginiń 2-tarmaǵy (Alaiaqtyq) boiynsha aiyp taǵylǵan «Qazmegastroi» JShS direktory Ermek Qasenov bes jylǵa shartty túrde bas bostandyǵynan aiyryldy.
Sotta Jaqsylyq Shalabekov pen Ermek Qasenov kinásin moiyndamady. Olardyń advokattary merdigerge avans berý memlekettik satyp alý týraly zańǵa qaishy kelmeitinin málimdedi.
Sot úkimi áli zańdy kúshine engen joq jáne joǵary turǵan sotqa shaǵymdanýǵa bolady.
