Politsiia qyzmetkerleri esirtki taratýshy saittyń QR kody bar jarnamaǵa kim tapsyrys bergenin anyqtady, dep habarlaidy "Ult aqparat" QR IIM baspasóz qyzmetine silteme jasap.
Politsiia qyzmetkerleri tapsyrys berýshimen qatar, senim júktelgen tulǵany, Almaty qalasyndaǵy daiyndaýshy firmany, sondai-aq osy bannerlerdi Nur-Sultan, Almaty, Shymkent, Qaraǵandy jáne Óskemen qalalarynda ornalastyrǵan zańdy tulǵalardy anyqtady.
«Qazirgi ýaqytta deldal qamaýǵa alyndy. Protsessýaldyq sharalar júrgizilip jatyr. Banner jarnamalaryn ornalastyrǵan zańdy tulǵalar úshin ákimshilik hattamalar daiyndaldy. Bul – Ákimshilik quqyq buzýshylyq týraly kodekstiń «Esirtki, psihotroptyq zattar men prekýrsorlardy nasihattaý jáne zańsyz jarnamalaý» týraly 423-baby», - delingen habarlamada.
Baspasóz qyzmeti habarlaǵandai, Almatyda eki banner ornalastyrǵan jarnama jasaýshyǵa 300 AEK nemese 757 myń 500 teńge kóleminde ákimshilik aiyppul salynǵan.
Eske sala ketsek, buǵan deiin politsiia qyzmetkerleri esirtkige jarnama jasap, banner ilgenderdi izdep jatqany týraly habarlaǵan bolatynbyz.
