Qaraǵandy qalasynda er adam tapanshamen JShS direktoryn atty, dep habarlaidy QazAqparat Polisia.kz saityna silteme jasap.
Qaraǵandy qalasy politsiia basqarmasynyń Ortalyq politsiia bólimine saýda kásiporyndarynyń birinde janjal shyǵyp, qarý qoldanylǵany týraly habarlama kelip tústi.
Oqiǵa ornyna patrýldik politsiia polkiniń jasaǵy shyqty. Onda JShS-niń biriniń 30 jastaǵy direktory bir kisimen arada janjal shyqqanyn aitty. Eregis barysynda qaskúnem «Osa» travmatikalyq tapanshasynan oq atty. Oq jaraqatyn alǵan er adam meditsinalyq kómekke júgindi, biraq aýrýhanaǵa jatqan joq.
Politseiler 29 jastaǵy er adamdy izin sýytpai ustady. Kúdikti óz kinásin moiyndady. Travmatikalyq tapansha alyndy. QR Qylmystyq kodeksiniń 287-babymen («Qarýdy zańsyz saqtaý nemese ustaý») qylmystyq is qozǵalǵan. Tergeý amaldary júrgizilýde.
