قاراعاندى قالاسىندا ەر ادام تاپانشامەن جشس ديرەكتورىن اتتى, دەپ حابارلايدى قازاقپارات Polisia.kz سايتىنا سٸلتەمە جاساپ.
قاراعاندى قالاسى پوليتسييا باسقارماسىنىڭ ورتالىق پوليتسييا بٶلٸمٸنە ساۋدا كەسٸپورىندارىنىڭ بٸرٸندە جانجال شىعىپ, قارۋ قولدانىلعانى تۋرالى حابارلاما كەلٸپ تٷستٸ.
وقيعا ورنىنا پاترۋلدٸك پوليتسييا پولكٸنٸڭ جاساعى شىقتى. وندا جشس-نٸڭ بٸرٸنٸڭ 30 جاستاعى ديرەكتورى بٸر كٸسٸمەن ارادا جانجال شىققانىن ايتتى. ەرەگٸس بارىسىندا قاسكٷنەم «وسا» تراۆماتيكالىق تاپانشاسىنان وق اتتى. وق جاراقاتىن العان ەر ادام مەديتسينالىق كٶمەككە جٷگٸندٸ, بٸراق اۋرۋحاناعا جاتقان جوق.
پوليتسەيلەر 29 جاستاعى ەر ادامدى ٸزٸن سۋىتپاي ۇستادى. كٷدٸكتٸ ٶز كٸنەسٸن مويىندادى. تراۆماتيكالىق تاپانشا الىندى. قر قىلمىستىق كودەكسٸنٸڭ 287-بابىمەن («قارۋدى زاڭسىز ساقتاۋ نەمەسە ۇستاۋ») قىلمىستىق ٸس قوزعالعان. تەرگەۋ امالدارى جٷرگٸزٸلۋدە.
