Foto: Pyxabay.com
Qaraǵandy oblysynyń turǵyny óz balalaryn óltirdi degen kúdikke ilindi. Sumdyq qylmys Buqar jyraý aýdanyna qarasty shaǵyn aýyldardyń birinde bolǵan, - dep habarlaidy Qaraǵandy oblystyq politsiia departamenti baspasóz qyzmeti.
Vedomstvo taratqan málimetke súiensek, 2 jáne 4 jastaǵy balalar zorlyq-zombylyq belgilerimen tabylǵan.
Aýyl turǵyndary anasy balalaryn tunshyqtyryp óltirgenin aitady. Onyń mundai áreketke ne úshin barǵany beimálim.
Qaraǵandy oblystyq politsiia departamentiniń baspasóz qyzmeti oqiǵaǵa qatysty túsinikteme berdi.
«4 sáýirde Buqar jyraý aýdanyndaǵy eldi mekenderdiń birinde zorlyq-zombylyq belgisi bar 2 jáne 4 jastaǵy balalardyń máiiti tabyldy. Sotqa deiingi tergeý bastaldy. Qylmys jasady degen kúdikpen balalardyń anasy ustaldy. Ol ýaqytsha ustaý izoliatoryna qamaldy. Saraptama taǵaiyndaldy», - dep habarlady oblystyq politsiia departamentiniń baspasóz qyzmeti.
Vedomstvo tergeý múddesine sai ózge aqparatty jariialaýǵa bolmaitynyn aitty.
