Qaraǵandy oblysynyń politsiia departamenti júkti áieldiń qaitys bolýyna bailanysty qylmystyq is qozǵady. Ol bosanǵan №1 perinataldyq ortalyqta qyzmettik tergeý jumystary júrgizilip jatyr, - dep habarlaidy Tengrinews.kz tilshisi.
24 jastaǵy Dinara Levenkonyń qaitys bolǵany týraly onyń ápkesi Anar Maǵzumova habarlady. Ol beinehabarlama jazyp, ony Jelide jariialady. Ápkesiniń aitýynsha, Dinara dárigerlerdiń nemquraidylyǵynan qaitys bolǵan.
"Meniń ápkem Dinara Levenko 29 sáýirde Qaraǵandynyń №1 oblystyq perinataldyq ortalyǵynda kesar tiligi arqyly bala týdy. Ol úige aýyr jaǵdaida oraldy. Bir kúnnen keiin gemoglobini 50-ge deiin tómendedi, bul qan ketýdi bildiredi. Sodan keiin ol sol aýrýhanada jatyryn shuǵyl túrde alyp tastady. Nátijesinde, aýrýhanada qan infektsiiasy paida boldy, sepsis damydy, bul midyń isinýine jáne ólimge ákeldi. Meniń ápkem 21 kúnnen keiin akýsherlik sepsisten qaitys boldy", - deidi Anar Maǵzumova.
Dinara Levenkonyń artynda eki balasy qaldy: jańa týǵan qyzy jáne alty jasar uly. Týystary ádil tergeý júrgizýdi jáne onyń ólimine kinálilerdi jazalaýdy talap etedi.
Qaraǵandy oblysy Densaýlyq saqtaý basqarmasynyń baspasóz qyzmeti bolǵan oqiǵanyń mán-jaiyn túsindirmedi. Degenmen, bosanǵan áieldiń qaitys bolý faktisi boiynsha jospardan tys tekserý jumystary bastalǵanyn habarlady.
"Tekserýdi Qaraǵandy oblysynyń Meditsinalyq jáne farmatsevtikalyq baqylaý departamenti júrgizedi. Tekserý nátijeleri týraly qosymsha habarlanatyn bolady", - dep atap ótti Qaraǵandy oblysynyń Densaýlyq saqtaý basqarmasy.
Qaraǵandy oblysynyń Meditsinalyq jáne farmatsevtikalyq baqylaý departamenti Dinara Levenko baqylanǵan emhanadan bastap perinataldyq ortalyqqa deiin tekserý júrgizetinderin habarlady.
