قاراعاندى وبلىسىنىڭ پوليتسييا دەپارتامەنتٸ جٷكتٸ ەيەلدٸڭ قايتىس بولۋىنا بايلانىستى قىلمىستىق ٸس قوزعادى. ول بوسانعان №1 پەريناتالدىق ورتالىقتا قىزمەتتٸك تەرگەۋ جۇمىستارى جٷرگٸزٸلٸپ جاتىر, - دەپ حابارلايدى Tengrinews.kz تٸلشٸسٸ.
24 جاستاعى دينارا لەۆەنكونىڭ قايتىس بولعانى تۋرالى ونىڭ ەپكەسٸ انار ماعزۇموۆا حابارلادى. ول بەينەحابارلاما جازىپ, ونى جەلٸدە جارييالادى. ەپكەسٸنٸڭ ايتۋىنشا, دينارا دەرٸگەرلەردٸڭ نەمقۇرايدىلىعىنان قايتىس بولعان.
"مەنٸڭ ەپكەم دينارا لەۆەنكو 29 سەۋٸردە قاراعاندىنىڭ №1 وبلىستىق پەريناتالدىق ورتالىعىندا كەسار تٸلٸگٸ ارقىلى بالا تۋدى. ول ٷيگە اۋىر جاعدايدا ورالدى. بٸر كٷننەن كەيٸن گەموگلوبينٸ 50-گە دەيٸن تٶمەندەدٸ, بۇل قان كەتۋدٸ بٸلدٸرەدٸ. سودان كەيٸن ول سول اۋرۋحانادا جاتىرىن شۇعىل تٷردە الىپ تاستادى. نەتيجەسٸندە, اۋرۋحانادا قان ينفەكتسيياسى پايدا بولدى, سەپسيس دامىدى, بۇل ميدىڭ ٸسٸنۋٸنە جەنە ٶلٸمگە ەكەلدٸ. مەنٸڭ ەپكەم 21 كٷننەن كەيٸن اكۋشەرلٸك سەپسيستەن قايتىس بولدى", - دەيدٸ انار ماعزۇموۆا.
دينارا لەۆەنكونىڭ ارتىندا ەكٸ بالاسى قالدى: جاڭا تۋعان قىزى جەنە التى جاسار ۇلى. تۋىستارى ەدٸل تەرگەۋ جٷرگٸزۋدٸ جەنە ونىڭ ٶلٸمٸنە كٸنەلٸلەردٸ جازالاۋدى تالاپ ەتەدٸ.
قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ بولعان وقيعانىڭ مەن-جايىن تٷسٸندٸرمەدٸ. دەگەنمەن, بوسانعان ەيەلدٸڭ قايتىس بولۋ فاكتٸسٸ بويىنشا جوسپاردان تىس تەكسەرۋ جۇمىستارى باستالعانىن حابارلادى.
"تەكسەرۋدٸ قاراعاندى وبلىسىنىڭ مەديتسينالىق جەنە فارماتسەۆتيكالىق باقىلاۋ دەپارتامەنتٸ جٷرگٸزەدٸ. تەكسەرۋ نەتيجەلەرٸ تۋرالى قوسىمشا حابارلاناتىن بولادى", - دەپ اتاپ ٶتتٸ قاراعاندى وبلىسىنىڭ دەنساۋلىق ساقتاۋ باسقارماسى.
قاراعاندى وبلىسىنىڭ مەديتسينالىق جەنە فارماتسەۆتيكالىق باقىلاۋ دەپارتامەنتٸ دينارا لەۆەنكو باقىلانعان ەمحانادان باستاپ پەريناتالدىق ورتالىققا دەيٸن تەكسەرۋ جٷرگٸزەتٸندەرٸن حابارلادى.
