Belsendi Azamat jobasynyń komandasy oblys ákimdigi men aqparattandyrý basqarmasynyń qoldaýymen qaraǵandylyqtarǵa azyq-túlik pen dári-dármekti jetkizýdiń biryńǵai aqparattyq qyzmet ázirledi, dep habarlaidy "Ult aqparat".
Qala turǵyndaryna sýpermarketterden, dárihanalardan, meiramhanalardan jáne pitstseriialarda jasalǵan taýarlarǵa tapsyrys berýdi usynady.
Jańa servis koronavirýstyń taralýyna bailanysty qazir adamdao kóp shoǵyrlanatyn jerlerge barmaýǵa kómektesedi. Jetkizý servisteriniń kýrerleri tapsyrystardy jetkizip beredi. Satyp alýlardy onlain rejiminde qolma-qol aqshamen de, kartamen de tóleýge bolady.
Saitta Burger King, KFC, «DODOpitstsa» pitstseriialary, «Aian» sýpermarketter jelisi jáne basqa da tez tamaqtaný meiramhanalary jelisinen tapsyrys týraly aqparat bar. Platformada meiramhanalardan daiyn taǵamdardy integratsiialanǵan servister arqyly jetkizý qyzmeti bar emenu.kz jáne kura.kz. aýyz sýdy «Hrýstalnaia» kompaniiasy jetkizedi.
Dári-dármek Europharma jáne Biosfera dárihanalary jelisinen jóneltiledi.
Jaqyn arada saitta taksi shaqyrý optsiiasy paida bolady jáne azyq-túlik emes taýarlar dúkenderiniń tizimi keńeitiledi.
Platformada jeke avtokóligi bar jáne kóliksiz kýrerlerge bos jumys oryndary ashyldy. Ótinimderdi onlain rejimde qabyldaidy.
Jańa servisti kelesi silteme boiynsha paidalanýǵa bolady https://ba09.kz/.
